Шавкат Мирзиёев ҳудудлар иқтисодиёти, муҳим ижтимоий дастурлар ижроси билан танишиш мақсадида Сурхондарё вилоятига жўнаб кетди. Бу ҳақда Президент матбуот хизмати хабар берди.
“Ташриф дастури кенг кўламли. Иқтисодий йўналишда газни қайта ишлаш, гидроэнергетика, чарм саноати, қишлоқ хўжалиги, тадбиркорлик лойиҳалари кўздан кечирилади. Ижтимоий соҳаларда ичимлик суви таъминоти, маҳалла тизими, соғлиқни сақлаш, ёшлар масалаларига эътибор қаратилади”, — дейилади хабарда.
Эслатиб ўтамиз, давлат раҳбари март ойининг ўрталарида ҳам Сурхондарё вилоятига ташриф буюрганди. Ўшанда Шавкат Мирзиёев Сурхондарё вилояти Жарқўрғон туманидаги “Камола Камолбек Қуюн” фермер хўжалигида бўлган, Термиз шаҳрида халқ депутатлари Сурхондарё вилояти кенгаши сессияси қатнашган эди.
Шунингдек, президент Бойсун—Денов йўналишидаги йўллар сифати бўйича одамлардан тушаётган эътирозларни инобатга олиб, ўзи автомобиль ҳайдаб кўрганди.
Изоҳ (0)