Футбол бўйича Ўзбекистон терма жамоаси ЖЧ—2026 саралаши доирасида 16 ноябрь, пайшанба куни Туркманистон терма жамоасига қарши майдонга тушди.
Учрашувнинг 44-дақиқасида Туркманистон футболчиси Мейлис Дурдиев ҳисобни очди. Жамоалар танаффусга 1:0 ҳисоби билан йўл олди.
Иккинчи бўлимда ўзбекистонликлар ҳисобни тенглаштирди. 57-дақиқада Отабек Шукуров Элдор Шомуродовнинг ажойиб узатмасини голга айлантирди. 77-дақиқада яна Элдор — Отабек тандеми ишлади ва Шукуров дарвозани ишғол қилиб, Ўзбекистонни ҳисобда олдинга олиб чиқди. 90+1-дақиқада эса Элдор Шомуродов ўйин тақдирини ҳал қилувчи гол муаллифига айланди.
Шу тариқа Сречко Катанец шогирдлари саралаш босқичидаги ўйинини ғалаба билан бошлади.
ЖЧ—2026 саралаши
16 ноябрь, пайшанба
Туркманистон – Ўзбекистон 1:3
Голлар: 1:0 - 44 Мейлис Дурдиев, 1:1 57 Отабек Шукуров, 1:2 — 77 Отабек Шукуров, 1:3— 90+1 Элдор Шомуродов.
Туркманистон: 23. Раҳат Жапаров, 2. Гуйчмурат Аннагулиев, 3. Шоҳрат Союунов, 4. Мейлис Дурдиев (6. Алибек Абдураҳмонов, 78), 8. Руслан Мингазов (14. Саназар Тиркисов, 78), 10. Элман Тагаев (9. Мурат Аннаев, 88), 13. Велмурат Баллаков (20. Селим Нурмирадов, 61), 15. Абди Башимов, 17. Алтинмурат Аннадурдиев (7. Арсланмират Аманов, 61), 18. Язгилич Гурбанов, 21. Теймур Чариев.
Ўзбекистон: 1. Ўткир Юсупов, 3. Ҳожиакбар Алижонов (13. Шерзод Насруллаев, 75), 4. Фарруҳ Сайфиев, 5. Рустам Ашурматов, 7. Отабек Шукуров, 9. Одилбек Ҳамробеков, 11. Остон Ўрунов (22. Аббос Файзуллаев, 55), 14. Элдор Шомуродов, 15. Абдуқодир Ҳусанов, 19. Азизбек Турғунбоев (21. Игор Сергеев, 55), 23. Ҳусниддин Алиқулов.
Огоҳлантиришлар: Одилжон Ҳамробеков (35), Абди Башимов (66).
Изоҳ (0)