Одатда актрисалар ҳақида гап кетганда уларнинг энг яхши роллари ёки ижодий муваффақиятсизликларини эслаймиз. Айни пайтда кино премьералари ва расмий тадбирлардан ташқари, улар ноодатий севимли машғулотлари ва ҳаётга рағбатлантирувчи қарашлари бўлган жуда ёрқин шахсларга айланади.
Эмилия Кларк 4 тилда гапира олади
Кўплаб томошабинлар Эмилия Кларк “Тахтлар ўйини” учун дотрак тилини махсус ўзлаштирганини билади. Актрисанинг муваффақиятга эришгани ажабланарли эмас, чунки у ҳар қандай тилни ўргана оладиган ҳақиқий полиглот.
Актриса нафақат инглиз (Британия ва Америка) тилининг турли лаҳжаларини мукаммал билади, балки яна икки хорижий тил — француз ва италян тилларида ҳам гаплаша олади.
Эмма Уотсон бир вақтнинг ўзида 10 та кундалик юритади
Интервьюлардан бирида актриса 10 га яқин шахсий журнали борлигини тан олади:
“Мен орзу ва ёга кундаликларини юритаман, учрашган одамларимни тасвирлайман, улар менга берган маслаҳатларини ёзиб оламан. Менда актёрлар журнали ва коллажлар тўпланган альбомлар ҳам бор”.
Эмма Уотсоннинг сўзларига кўра, бу ўзингизни англашнинг энг яхши усули ҳисобланади.
Марго Робби цирк мактабида ўқиган
Марго Робби кадрда жуда табиий ва равон ҳаракат қилиши ажабланарли эмас, чунки у жиддий машғулотлардан ўтган. Болалигида онаси бўлажак актрисани цирк мактабига олиб борган ва қиз трапецияда акробатик трюклар қилган. 8 ёшида у ҳатто саъй-ҳаракатлари учун сертификат ҳам олади.
Леди Гага пианино чалишни ўзи ўрганган
Бўлажак қўшиқчи ва актриса биринчи марта 4 ёшида пианинога ўтиради. Бундан ташқари, у фақат эшитиш қобилиятига таяниб, ўзи чалишни ўрганади. Фақат 7 ёшида қиз нота ёзувлари ва пианино чалиш бўйича сабоқ олишни бошлайди.
Мерил Стрип Айви Лигаси даражасини олган
Мерил Стрип таълим масалаларига эҳтиёткорлик билан ёндашадиган актриса. У Ел драма мактабининг магистр даражасини, Дартмут коллежининг гуманитар фанлар бўйича фахрий доктор унвонини олган.
Елдаги ўқишининг контрактини тўлаш учун у официант ва ҳарф терувчи бўлиб ишлаши ҳамда йилига ўнлаб спектаклларда қатнашиши керак эди. Ўша пайтда актриса шунчалик кўп ишлаганки, натижада ошқозон ярасини орттириб олган. У ҳатто актрисаликни ташлаб, ҳуқуқшуносликка ўтишни ҳам ўйлаб кўради.
Кейт Уинслет фотошопга қарши
Актрисанинг сохталикка қарши кураши “Титаник” даврида бошланган. 2003 йилда у ГҚ муқовасидаги фотосуратидан жуда ғазабланади. Актрисанинг сўзларига кўра, унинг суратдаги оёқлари тахминан учдан бирига қисқарган.
Шу сабабли ўзининг сўнгги фильмларидан бирида (“Исттаунлик Мейр” роли) қорнини фотошоп қилишни тақиқлаган. Шунингдек, у фильм постерини қайта кўриб чиқиш учун икки марта жўнатиб, фотошопни олиб ташлашни ва кўзи атрофидаги ажинларни ўз жойига қайтаришни талаб қилган.
Кира Найтли дислексия туфайли актрисалик фаолиятини бошлаган
6 ёшида бўлажак актрисага дислексия ташхиси қўйилади, унга мактаб дарсликларини ўзлаштириш осон бўлмаган. Муаммони пайқаган ота-онаси актрисалик касбини орзу қилган қизини рағбатлантиришнинг ягона йўлини топади.
Найтлининг сўзларига кўра, у ота-онаси билан келишувга эришган: агар у ўқишни ўрганса, ота-онаси унга агент ёллашади. Ёзги таътил пайтида қиз “Ақл ва туйғу” фильмининг сценарийсини олади, натижада Кира уни ўзлаштиришга муваффақ бўлади. Ота-онаси ҳам ўз ваъдаларини бажаришади ва Кира актрисаликка қадам қўяди.
Amanda Сейфрид тонал кремдан фойдаланмайди
Актрисанинг сўзларига кўра, унинг териси ҳеч қачон ҳозиргидек тиниқ бўлмаган. Эрталаб у юзини кўпик билан ювади, чунки у пуфакчаларни яхши кўради, кейин қуёшдан ҳимоя қилувчи крем, агар керак бўлса, консилердан фойдаланади. “Юзимдаги ҳеч бир нарсани яширишни хоҳламайман”, — дейди актриса.
Изоҳ (0)