Аарав Бҳатия — ҳинд киноси афсоналари Ражеш Ханна ва Димпл Кападиянинг тўнғич набираси, машҳур актёр Акшай Кумар ва унинг актриса рафиқаси Твинкл Ханнанинг ўғли. Бу йигит чиндан ҳам омади келганлардан. У юлдузли оилада туғилган, у биргина ишораси билан йирик лойиҳада қатнашиши ва Болливудда фантастик дебют қилиши мумкин эди.
Бироқ йигит фильмларда суратга тушишни ёқтирмайди. У омма эътиборига тушишни хоҳламайди, одатда Акшай Кумарнинг ўғли эканлигини яширади.
Аарав 2002 йил 15 сентябрда туғилган. Отаси ўғли ҳам унинг изидан боришини жуда хоҳларди, шунинг учун у болани ҳар қандай йўл билан саҳнага тортишга ҳаракат қилади. 4 ёшида у Ааравни жанг санъати билан шуғулланишга беради. 13 ёшида бола Кудо бўйича 1-даражали қора камар олади.
“Йиллар давомида қилинган меҳнат ўз самарасини берди! 9 йиллик машғулотлардан сўнг ўғлим қора белбоғли бўлди!” — ўшанда Акшай шундай деб ёзганди. Спорт билан бир қаторда, отаси ўғлини ёшлигидан ижтимоий иш билан шуғулланишга мажбур қилади.
Интервьюларининг бирида мағрур Кумар олти ёшли ўғли бир марта ундан электр токи етиб бормаган қишлоққа қуёш панеллар ўрнатиб беришини сўраганини айтади. Тез орада Аарав мамлакат ижтимоий ҳаётига қўшган улкан ҳиссаси учун “Яшил глобус” мукофоти билан тақдирланади.
У “Миллиард ҳаётни ёритиш” кампанияси доирасида қишлоққа ҳомийлик қилган энг ёш одам сифатида машҳур бўлади. Ўша пайтда бола 7 ёшда эди.
Бироқ Аарав улғайган сари ота-онасининг амбицияларидан узоқлашади. Боланинг онаси Твинкл ҳам таниқли ота-онаси томонидан худди шундай босимга учраган. Гарчи болаликдаги дўсти Каран Жоҳар олтин тоғларни ваъда қилган бўлса ҳам Аарав актёр бўлишни истамаслигини тушуниб етади.
Маълумки, Жоҳар одатда юлдузларнинг болаларига бошқача эътибор билан қарайди ва уларни Болливудда алоҳида ғайрат билан тарғиб қилади. Аарав ҳар доим унинг диққат марказида бўлиб келган, чунки Каран ёшлигида Твинклни жуда яхши кўрарди, шу боис унинг ўғлига шу-бизнесда максимал даражада ёрдам беришга тайёр эди.
Бироқ Аарав ўз қарашларини ўзгартирмайди. У ҳеч қачон кинога қизиқмаган ва фильм томоша қилишни ёқтирмасди. Бунинг ўрнига у мода дизайнига қизиқади ва моделер сифатида ўқимоқчи. Акшай Кумар меросхўридан актёр бўлишини талаб қилмади. “Мен ўғлимнинг бахтли бўлишини хоҳлайман”, — дейди у.
Лондондаги дизайн мактабига киришдан олдин Аарав отасидан танишларидан фойдаланмасликни сўрайди, акс ҳолда у ерда ўқимаслигини айтади. Вақти-вақти билан уни бошқа юлдузларнинг болалари билан бирга кўришади, лекин Аарав ўзига эътиборни жалб қилишни ёқтирмайди.
Аммо Акшайнинг 11 ёшли қизи Нитара ҳам улғаймоқда, шунинг учун Кумар оиласи учун ҳали умид бор.
Изоҳ (0)