Тошкент шаҳар Учтепа туманида мушуклар учун меҳмонхона қурилди. Бу ҳақда шаҳар ҳокимлиги ахборот хизмати хабар берди.
Маълум қилинишича, Учтепа туманида жойлашган “Ватан” маҳалласида ноодатий меҳмонхона қад ростлади. Кўнгиллилар ташаббуси ва маҳалла аҳолисининг розилиги билан бунёд этилган ўзига хос “меҳмонхона” кўча мушуклари учун иссиққина бошпана вазифасини бажаради.
“Ушбу мушуклар меҳмонхонаси Мушуккент лойиҳаси ва Тошкент шаҳар ИИББ ҳимоясида бўлиб, маҳаллада яшовчи болаларни жониворларга меҳрли бўлишга ўргатади.
Ўз навбатида, Мушуккент лойиҳаси, ‘Ватан’ маҳалласининг аҳолиси ва кўнгилли фуқароларимизга меҳрга муҳтож жониворларга кўрсатаётган ғамхўрлиги учун миннатдорлик билдирамиз”, — дейилади ҳокимлик хабарида.
Изоҳ (0)