Ўзбекистон Марказий банки 2023 йилнинг 9 ойи учун ипотека кредитлари шарҳини эълон қилди.
Шарҳда берилган маълумотларга кўра, жорий йилнинг 1 октябрь ҳолатига кўра, уй-жой қийматининг даромадга нисбати Бишкекда 14,6, Тошкентда 12,5, Остонада эса 8 га тенг бўлган.
Ижара қийматининг уй-жой нархига нисбати Тошкентда 11,4 фоиз, Остона ва Бишкекда эса 9,1 фоизни ташкил этган.
2023 йил 1 октябрь ҳолатига 1 квадрат метр уй-жой нархлари Тошкентда (1013 доллар) минтақадаги қўшни пойтахтлар Остона (943 доллар) ва Бишкек (902 доллар) шаҳарларидан кўра юқори қийматда шаклланган.
Шунингдек, 2023 йилнинг 9 ойи давомида ўтган йилнинг шу даврига нисбатан 18,4 фоиз кўпроқ ёки 12,2 трлн сўмлик ипотека кредитлари ажратилгани маълум қилинди.
Изоҳ (0)