Қуйидаги актрисалар чиндан ҳам пул учун шон-шуҳратга интилмаганликлари ҳақида баҳслашишлари мумкин, чунки улар карьера бошлашларидан олдин ҳам етарлича бадавлат бўлишган.
Кристен Стюарт
Кристен шунчаки актриса сифатида машҳур бўлиши керак эди холос — онаси режиссёр ёрдамчиси, отаси эса продюсер бўлгани сабабли бу унинг учун мажбурий вазифа бўлган. Голливуд тепаликларидаги 1,75 миллион долларлик уй ҳам унинг танилишига яхшигина ҳисса қўшди. Гарчи Стюартнинг ўзи бир интервьюсида ҳаётдаги ҳамма нарсага жуда осон эришгани ва қандайдир қаттиқ силкинишни хоҳлашини айтган бўлса ҳам актрисанинг келажаги аллақачон таъминланган эди.
Майли Сайрус
Майли ҳам бешикданоқ омади кулганлардан. Бўлажак юлдузнинг отаси мусиқачи Билли Рей қизига яхши касбий таълим беради, онаси эса кичик Сайрус ўзини ҳимоя қила олишига ишонч ҳосил қилмагунча уни суратга олиш майдончасига қўймайди. Кейинчалик Майли “Ханна Монтана” фильмида энг кам пулни у олганини, лекин гонорарини оширишларини талаб қилмаганини, балки тажрибали актёрлардан маҳорат ўрганганини айтади.
Тейлор Свифт
Кичкина Тейлор, эҳтимол, болалигида молиячи ота-онасидан молиявий саводхонлик сабоқларини олгандир. Улар қизига мустақиллик ва қатъиятлиликни ўргатишган. Бувиси — опера хонандаси Маржори Финлай эса мусиқа саводхонлиги асосларини ўргатган. У, шунингдек, неварасига гитара совға қилади, бу эса Свифтнинг келажагини белгилаб беради.
Женнифер Энистон
Женнифернинг тақдири қисман унинг афсонавий қаҳрамони Рейчел Гринга ўхшайди, у ўзлигини топиш учун қулай ҳаётни тарк этган. Юлдуз жуда муваффақиятли актёр Жон Энистон ва театр актрисаси Ненси Доу оиласида туғилган. Болалигидан онаси қизида актрисаликка меҳр уйғотади ва у рол ижро этиш истагини билдириши биланоқ қизини керакли курсларга олиб боради.
Аммо ота-онаси ажрашгандан сўнг Жен қаердадир ишлаши керак эди, натижада бир қатор рад этишлардан кейингина актриса муваффақиятга эришади.
Гвинет Пелтроу
Режиссёр Брюс Пелтроу ва актриса Блайт Даннер қизи туғилгач, унга энг яхши санъат таълимини беришни бошлашган. Бунинг учун маблағ ва алоқалар етарли эди, шу сабабли Гвинетни Нью-Йоркдаги нуфузли мактабга беришади. Кичик Пелтроу санъат тарихини ўрганишни бошлаганидан сўнг, тез орада актриса бўлишни хоҳлаётганини тушуниб етади. Бу бежиз эмас эди — сулола ва генлар унинг ажойиб карьерасига яхшигина ҳисса қўшади.
Изоҳ (0)