Исроилнинг ҲАМАС билан уруши бошланганидан бери Ғазо секторида 46 нафар журналист ҳалок бўлди. Бу ҳақда Фаластин ҳукуматидаги манбаларга таяниб, ISNA агентлиги хабар берди.
2 ноябрь куни Журналистларни ҳимоя қилиш қўмитаси жанговар ҳаракатлар пайтида камида 36 нафар журналист ва ОАВ ходимлари ҳалок бўлганини маълум қилганди. Улардан 31 нафари фаластинлик, тўрт нафари исроиллик ва бир нафари ливанлик экани айтилди.
Қўмита маълумотларига кўра, бундан ташқари, саккиз нафар журналист яраланган, тўққиз нафари бедарак йўқолган ёки ҳибсга олинган. Қўмита жанговар ҳаракатлар ҳудудида журналистларга ҳужумлар, ҳибсга олишлар, таҳдидлар, цензура ва уларнинг оила аъзоларини ўлдиришлар давом этаётганини таъкидлади.
Исроил мудофаа кучлари Reuters ва AFP агентликларининг Ғазо секторида журналистлар нишонга олинмаслигига кафолат бериш ҳақидаги сўровларини рад этди. Исроил буни ҲАМАС ҳарбий амалиётларни “журналистлар ва тинч аҳолига яқин жойда” олиб бориши билан изоҳлади.
Изоҳ (0)