Тошкент шаҳрининг айрим ҳудудларида куз-қиш мавсумига пухта тайёргарлик кўриш мақсадида электр таъминоти вақтинча тўхтатилади. Бу ҳақда “Ҳудудий электр тармоқлари” матбуот хизмати хабар берди.
Истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларни олдини олиш мақсадида 3 ноябрь куни қуйидаги манзилларда электр таъминоти вақтинча ўчирилди:
- Чилонзор тумани — “Дўмбиробод” ҳамда “Наққошлик” МФЙларининг айрим ҳудудларида соат 09:00 дан 17:00 гача;
- Олмазор тумани — “Жийдали” МФЙнинг айрим ҳудудларида 10:00 дан 14:00 гача.
Таъкидланишича, таъмирлаш ишлари белгиланган вақтдан аввалроқ якунланиши мумкин.
“Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди.
Аввалроқ Бектемир ва Учтепа туманларида табиий газ етказиб бериш, шунингдек, Сергели ва Бектемир туманларида электр энергияси таъминоти вақтинча тўхтатилиши тўғрисида хабар берилганди.
Изоҳ (0)