Президент томонидан имзоланган қонун билан Туркий инвестиция жамғармасини таъсис этиш тўғрисидаги битим ратификация қилинди. Бу ҳақда Telegram’даги “Ҳуқуқий ахборот” канали хабар берди.
Қонунга кўра, Ўзбекистон Тикланиш ва тараққиёт жамғармасининг маблағлари Ўзбекистоннинг Туркий инвестиция жамғармасидаги улушини битимда назарда тутилган муддатларда шакллантириш, шу жумладан, унинг бошланғич капиталидаги 2 мингта акцияга обуна бўлиш билан боғлиқ харажатларни молиялаштириш манбаси экани белгиланди.
Инвестициялар, саноат ва савдо вазирлиги битимнинг бажарилиши учун масъул ваколатли орган этиб, Марказий банк Битим бўйича депозитарий функциясини бажариши белгиланди.
Эслатиб ўтамиз, 2022 йил ноябрда Самарқандда бўлиб ўтган Туркий давлатлар ташкилоти саммити доирасида ташкилотга аъзо давлатлар иқтисодиёт ва савдо вазирларининг 11-йиғилишида йирик қўшма лойиҳа ва ташаббусларни амалга ошириш учун мустаҳкам асос бўладиган Туркий давлатлар ташкилотининг Инвестиция жамғармасини ташкил этиш тўғрисидаги битимни имзолашни тезлаштириш бўйича келишувга эришилганди.
Изоҳ (0)