Ўзбекистонда сиёсий партиялар томонидан депутатликка номзодлар кўрсатилаётганда аёллар сонининг энг кам миқдорини ошириш кўзда тутилган қонун лойиҳаси қабул қилинди.
31 октябрь куни Олий Мажлис парламенти мажлисида қонунчилик ташаббуси ҳуқуқи асосида ишлаб чиқилган — “Ўзбекистон Республикасининг Сайлов кодексига ўзгартиришлар киритиш тўғрисида”ги қонун лойиҳаси биринчи биринчи ўқишда кўриб чиқилди.
Сайлов кодексининг 70 ва 91-моддаларига сиёсий партиялар томонидан депутатликка номзодлар кўрсатилаётганда аёллар сонининг энг кам миқдорини номзодлар умумий сонининг 30 фоизидан 40 фоизига оширишни назарда тутувчи ўзгартиришлар киритиш таклиф этилмоқда.
Мажлисда ушбу қонун лойиҳаси депутатлар томонидан қабул қилинди.
Таъкидланишича, қонун лойиҳасининг қабул қилиниши аёлларнинг жамият ҳамда давлат ишларини бошқаришдаги ролини кучайтиришга, шунингдек уларнинг сиёсий фаоллигини оширишга хизмат қилади.
Изоҳ (0)