Ўзбекистон Республикасида кенг қамровли иқтисодий ислоҳотлар доирасида суғурта соҳасини фаол ривожлантириш ва ислоҳ қилиш жараёни амалга оширилмоқда. Мазкур чора-тадбирлар замонавий, тўлақонли ва рақобатбардош суғурта бозорини шакллантиришнинг асосий омили бўлиб, тадбиркорлик субъектларининг барқарор ривожланишига, шунингдек, аҳоли саломатлиги ва мулк ҳимоясига хизмат қилмоқда.
Ўзбекистон суғурта бозорини ривожлантириш жараёнида 2023 йилнинг 9 ойи давомида “Ўзбекинвест” компанияси фаолиятнинг турли йўналишлари бўйича кўрсаткичлар бўйича сезиларли ўсишга эришди. 2023 йилнинг 9 ойида компания томонидан йиғилган мукофотлар ҳажми 938,4 миллиард сўмни ташкил этиб, 2022 йилнинг шу даврига нисбатан 210% фоизга ўсди.
Кўрсаткичлар ўсишининг ижобий динамикаси, асосан, халқаро суғурталаш ва қайта суғурталаш бозорида суғурта операцияларининг ривожланиши билан боғлиқ бўлди. Қайта суғурталаш мукофотларининг ялпи йиғилиши 35,5 миллион АҚШ долларини ташкил этиб, 2022 йилнинг шу даврига нисбатан 156%га ўсиши таъминланди. Шу билан бирга, компания суғурта портфелидаги суғурта хизматлари экспортининг улуши 42 фоизни ташкил этди.
Миллий маҳсулот ва хизматлар экспорт қилувчиларга 1,8 млн. АҚШ доллари миқдорида суғурта ҳимояси тақдим этилди.
Суғурта мукофотлари ўсишининг ижобий динамикаси корпоратив сегментда ҳам кузатилмоқда. Ушбу йўналишдаги суғурта мукофотлари хажми 2022 йилнинг 9 ойи якунларига нисбатан 3,4 баробар ўсиш билан 479,1 миллиард сўмни ташкил этди, юридик шахслар билан 70 мингдан ортиқ шартномалар тузилди.
Жисмоний шахсларни суғурталаш сегментида ўтган йилнинг шу даврига нисбатан 177 фоизга ўсиш билан 65,1 млрд.сўм миқдорида мукофотлар йиғилди. Жорий йилнинг 9 ойида жисмоний шахслар билан ўтган йилнинг шу даврига нисбатан 130,6 фоизга ўсиш билан 713,4 мингта шартнома тузилди.
Ўзбекистон Республикаси Президентининг “Ўзбекистон Республикасининг суғурта бозорини ислоҳ қилиш ва унинг жадал ривожланишини таъминлаш чора-тадбирлари тўғрисида”ги қарорида белгиланган вазифаларга мувофиқ “Ўзбекинвест” томонидан компания фаолиятидаги бизнес жараёнларни амалга оширишда, шу жумладан суғуртанинг айрим турлари бўйича электрон полисларни (Е-полис) расмийлаштиришда, Интернет ва мобил иловалар орқали замонавий ахборот технологияларини кенг қўллаш бўйича узлуксиз ишлар амалга оширилмоқда.
2023 йил сентябрь ойи бошига кўра, “Ўзбекинвест” транспорт воситалари эгаларининг фуқаролик жавобгарлигини мажбурий суғурта қилиш (TVЭФЖМСҚ) бозоридаги етакчилик мавқеини мустаҳкамлади. Шу билан бирга, 2023 йилнинг 9 ойи давомида “Ўзбекинвест” компаниясининг рақамли платформалари 635 мингдан ортиқ онлайн полисларни расмийлаштириш имконини берди,бу эса расмийлаштирилган суғурта полислари умумий улушининг 81,1% ни ташкил этди.
Мижозларнинг мурожаатларини тезкор кўриб чиқиш ва етказилган зарарни ўз вақтида қоплаш “Ўзбекинвест” компаниясининг энг муҳим вазифаларидан биридир. Жорий йилнинг 9 ойи давомида 3100 дан ортиқ суғурта даъволари кўриб чиқилиб, улар бўйича 63,3 млрд.сўмдан ортиқ суғурта тўловлари амалга оширилди.
Сўнгги йилларда “маҳаллабай” тизими доирасида фуқаролар билан ишлашни тубдан яхшилаш, ихтиёрий ва мажбурий суғурта тизимига шаҳар ва қишлоқ, шу жумладан чекка қишлоқлар аҳолисини, фаол жалб этишга қаратилган қатор чора-тадбирлар амалга оширилди. Амалга оширилган ишлар натижасида жорий йилнинг 9 ойи давомида 30,2 миллиард сўм суғурта мукофотлари йиғилиши таъминланди.
Шу билан бирга, жорий йилнинг сентябрь ойида “Murad Buildings” ва “Ўзбекинвест” компаниялари “Икки карра ишонч” янги маҳсулотини тақдим этдилар. Унинг доирасида “Regnum Plaza” ва “Сой Бўйи” турар-жой мажмуаларидаги хонадонларни харидорлари мол-мулк суғурта ҳимояси билан таъминланади. Бу лойиҳа Ўзбекистон суғурта соҳасидаги ҳамда хусусий девелоперлар томонидан турар-жой мажмуаларини қуриш соҳасидаги тажриба лойиҳаси ҳисобланади.
Мамлакатимизда таълим соҳасида амалга оширилаётган ислоҳотларга ўз ҳиссасини қўшган ҳолда, шунингдек, суғурта йўналишида таҳсил олаётган талабаларнинг илмий — амалий салоҳиятини ошириш мақсадида жорий йилнинг 28 октябрь куни “Ўзбекинвест” компаниясининг бош офиси биносида Тошкент молия институти “Суғурта иши” кафедрасининг “Ўзбекинвест” компаниясидаги филиали очилишининг танатанали маросими бўлиб ўтди.
Ходимларни узлуксиз ўқитиш тизимини амалга ошириш доирасида 2023 йил апрель ойида “Ўзбекинвест” компанияси ҳудудий филиалларининг 11 нафар ҳудудий раҳбарлари Вашингтон университетининг мутахассислари томонидан махсус ишлаб чиқилган ўқув дастури бўйича малака ошириш учун Сиэтл (Вашингтон, АҚШ) шаҳрига ташриф буюрдилар.
Шунингдек, жорий йилнинг июнь ойида компания туман филиалларининг 15 нафар раҳбарлари Прага (Чехия) шаҳридаги Ғарбий Чехия университетида “Суғурта” курсида малака ошириш курсларини тамомлади.
Жорий йилнинг август ойида “Ўзбекинвест” компаниясининг бир гуруҳ ҳудудий филиаллар директорлари Туркия суғурта институтида малака ошириш курсларини тамомладилар. У ерда улар экспорт рисклари, корпоратив мижозлар ва жисмоний шахсларни суғурталаш бўйича халқаро тажрибани ўргандиш имкониятига эга бўлдилар.
“Ўзбекинвест” компанияси жорий йилнинг май ойида ISO 9001:2015 халқаро стандарти талабларига мувофиқлиги аудит текширувидан муваффақиятли ўтиб, маҳсулотларнинг ишончлилиги ва халқаро стандартларга мослигини яна бир бор тасдиқлади. Компанияни сертификатлаш халқаро сертификатлаштириш органи “CEРТ International” (Словакия) томонидан амалга оширилди.
Шунингдек, 2023 йилнинг май ойида “катта учлик” халқаро рейтинг агентликларидан бири бўлган Moodyъs Investors Service Ltd. (АҚШ) халқаро рейтинг агентлиги “Ўзбекинвест” суғурта компаниясининг молиявий мустаҳкамлик рейтинги прогнози “Ижобий”, “Ба3” даражасига кўтарилганини расман эълон қилди.
Жорий йилнинг август ойида “ Аҳбор-Рейтинг ” агентлиги “Ўзбекинвест” экспорт-импорт суғурта компаниясига “барқарор” прогнози билан “ узА++” даражасида миллий шкала бўйича энг юқори тўлов қобилияти рейтингини берди.
Суғурта бозорида рақобат кучайиб бораётгани, шунингдек, мижозларнинг кўрсатилаётган хизматлар сифатига бўлган талаблари ортиб бораётган бир шароитда “Ўзбекинвест” компанияси бизнес юритишда инновацион рақамли ёндашувларга асосланган самарали фаолиятини давом эттиришни ва ўз мижозларига ишончли комплекс суғурта ҳимоясини таъминлашни режалаштирган.
Call-марказ: (+998) 71−207−60−00, 1160.
Сайт: insurance.uz
Facebook: fb.com/Uzbekinvest
Instagram: @uzbekinvest
Telegram: т.ме/узбекинвест
Реклама ҳуқуқи асосида.
Изоҳ (0)