Жорий йилнинг 25-26 октябрь кунлари “Нодир металлар ва мис саноати” мавзусида Нодир металлар ва қаттиқ қотишмалар ишлаб чиқариш илмий бирлашмасида VII Ўзбекистон—Корея нодир металлар ва мис саноати икки томонлама халқаро семинари бўлиб ўтди.
Тоғ-кон саноати ва геология вазирлиги, Инвестициялар, саноат ва савдо вазирлиги, Олмалиқ кон-металлургия комбинати, Корея давлатининг KITEЧ ҳамда КIRAМ институтлари ҳамкорлигида ташкил этилган семинарда соҳанинг етакчи экспертлари, олимлар, профессор ва мутахассислар, тадқиқотчилар иштирок этишди. Ўзбек-Корейс нодир металлар дастурининг координатори Амир Обидов таъкидлаганидек, — Семинарнинг асосий мақсади Нодир металлар ва мис саноати бўйича Ўзбекистон ва Корея олимлари ўртасида инновацион ва илмий ишланмаларнинг, келажакда қўлланиладиган технологияларнинг жорий этиш бўйича муҳокама этишдан иборат бўлди.
Семинарда соҳада эришилган ютуқлар бўйича турли мавзуларда мутахассислар томонидан маърузалар, стендли маърузалар иштирокчилар ҳукмига ҳавола этилди.
Шунингдек, семинар иштирокчилар учун саноат тури ташкил этилиб, улар Нодир металлар ва қаттиқ қотишмалар ишлар чиқариш илмий бирлашмаси қошидаги Ўзбек—Корейс илмий технологик маркази, илмий техник кутубхона фаолияти билан ҳам танишишди.
Шу билан бирга иштирокчилар илм-фаннинг саноатга интеграцияси натижасида ишлаб чиқариши ўзлаштирилган маҳсулот турлари билан ва ишлаб чиқариш жараёнига гувоҳ бўлишди.
Семинарда айнан мис ва нодир металларни чуқур қайта ишлаш йўли билан юқори қийматли маҳсулотлар ишлаб чиқариш бўйича ўзаро фикр-мулоҳазалар алмашилди.
Корея саноат технологиялари институти ҳамда ODA дастурининг Ўзбекистондаги вакили Ким Bum Сунг: Семинар ҳар икки томон учун ҳам жуда фойдали бўлди. Семинар давомида ўзаро ҳамкорликда эришилган бир қатор лойиҳаларимиз эътироф этилди. Бунда албатта комбинат олимлари ва мутахассислари менда ижобий таассурот қолдиришди. Улар ўзларига юклатилган вазифаларни сидқидилдан ёндашишади. Уларнинг эришаётган натижаларидан ҳам фикрларимни ёрқин исботини кўришимиз мумкин. Семинар ҳар икки томон учун ҳам жуда фойдали бўлди.
.jpg)
Маълумот учун, 2022 йилнинг 25 декабрь куни Корея Миллий Ассамблеяси томонидан Олмалиқ кон-металлургия комбинатига ODA дастурига кўра, 15 млрд вон(12 млн АҚШ доллари атрофида) миқдоридаги грант ажратилган. Бу маблағга 2023 йилнинг охиригача ўзбек-корейс илмий технологик марказининг тажриба цехига тахминан 750 000 АҚШ долларлик ускуналар ўрнатилади.
Марказ бу дастур бўйича нодир металларни – волфрам молибден, теллур, селен, рений, осмийни қайта ишлаб, ярим ўтказгич саноати учун соф ҳолда ажратиб олиш, қаттиқ қотишмали ускуналарга қаттиқ барер қопламаларни қоплаш, яримўтказгич саноати учун кислородсиз мис маҳсулотини ишлаб чиқаришни йўлга қўйишни режалаштирган.
Реклама ҳуқуқи асосида.
Изоҳ (0)