“ICTWEEK Uzbekistan 2023” ҳафталиги доирасида IT Park стенди тақдим этилган ICТ Expo кўргазмаси бўлиб ўтмоқда ва унда ташриф буюрувчиларга IT-таълим, стартап экотизимини ривожлантириш, инвестицияларни жалб қилиш, экспорт ва резидентлик мақомини олиш бўйича ташкилот томонидан тақдим этилаётган ташаббус ва имкониятлар ҳақида маълумот берилди.
Стенднинг асосий эълонларидан бири “Startup Base” платформаси бўлиб, у стартаплар, инвесторлар ва IT-ҳамжамият аъзоларига истиқболли стартаплар, Ўзбекистон бозоридаги фаол инвесторлар, шунингдек, IT-ҳамжамиятни ривожлантириш ва стартаплар ва инвесторлар ўртасидаги ҳамкорликка кўмаклашишга бағишланган тадбирлар жадвалини ўз ичига олган қимматли маълумотлар базасида рўйхатдан ўтиш ва улардан фойдаланиш имкониятини тақдим этади.
Бундан ташқари, кўргазма меҳмонлари “АloqaTech Lab”, “Plug and Play Uzbekistan”, “500 Georgia” ва бошқа кўплаб акселерация дастурларида иштирок этиш бўйича маслаҳатлар олиш, шунингдек, ўз лойиҳаларига инвестицияларни қандай жалб қилишни ўрганиш имкониятига эга бўлдилар.
Таълим бўлими вакиллари стендга ташриф буюрувчиларга IT Park нинг таълим имкониятлари ҳақида сўзлаб беришди, жумладан:
• education.it-park.uz — резидент компанияларнинг таълим IT-курслари;
• it-istedod.uz — халқаро IT сертификатларини олишга сарфланган харажатлар компенсацияси;
• uzbekcoders.uz — Coursera платформасидаги турли соҳалар бўйича 10 000 дан ортиқ курсларга кириш ҳақида маълумот.
Стенд меҳмонлари ўз битирувчиларини экспортга йўналтирилган IT-компанияларида ишга жойлаштиришга кўмаклашиш мақсадида таълим резидентларига тўланадиган 25-35 миллион сўм миқдоридаги субсидиялар ҳақида билиб олишди.
Бундан ташқари, уларга IT Park марказларида ўтказилаётган курслар, жумладан, нархлар, ўқитиш муддати ва тили ҳақида маълумотлар берилди.
ICТ Expo доирасида IT-билимларни ривожлантириш маркази — IT Билим ва ITPU онлайн университети каби IT Park маҳсулотлари ҳам намойиш этилди. Компания вакиллари ташриф буюрувчиларга таълим имкониятлари, молиявий қўллаб-қувватлаш дастурлари ва мақсадли кредитлар, ITPU мисолида эса таълим йўналишлари, шакллари ва арзон ва сифатли таълим олиш учун қўшимча имкониятлар ҳақида гапириб беришди.
IT-хиёбон
“ICTWEEK UZBEKISTAN 2023” доирасида IT стартаплар хиёбонида 72 та стартап намойиш этилган бўлиб, улардан 42 таси IT Park резидентлари ва 30 таси “Plug and Play” дастурлари иштирокчиларидир.
Кўргазмада IT Park резиденти мақомига эга маҳаллий стартап лойиҳалари ўз стендларини тақдим этди. Лойиҳалар турли соҳаларни қамраб олди, жумладан, сунъий интеллект, финтеч (молиявий технологиялар), таълим, бизнес ечимлари, булутли инновациялар ва бошқалар. Хиёбон иштирокчилари ўз ғоялари, маҳсулот ва хизматларини соҳа вакиллари ҳамда потенциал инвесторларга намойиш этдилар.
Хиёбонда иштирок этиш стартапларга ўз лойиҳалари оммабоплигини ошириш ва ривожланиши учун зарур молиявий ёрдам топиш учун ноёб имконият яратди. IT-хиёбонда иштирок этган мутахассислар ва тадбиркорлар ушбу лойиҳаларнинг аксарияти бозорга муваффақиятли кириб бориши, ҳам мамлакат, ҳам жаҳон ҳамжамиятига фойда келтиришига умид билдирди.
Хиёбонда иштирок этаётган лойиҳалардан бири — “G-CORE Tashkent” компанияси вакиллари IT Park томонидан тақдим этилаётган имтиёзлар туфайли хориждан юқори малакали мутахассисларни муваффақиятли жалб қилишлари, уларга иш ҳақини хорижий валютада тўлашлари ва чет элликлар учун ишлаш учун рухсатномаларни қонунийлаштиришда бюрократияга йўл қўймасликлари мумкинлигини таъкидладилар. Қолаверса, IT Park томонидан тақдим этилган солиқ имтиёзлари бизнесни сезиларли даражада қўллаб-қувватлайди.
“Бизнинг “500 Глобал” компаниямиз лойиҳаларни тайёрлаш ва уларга дастлабки босқичда сармоя киритиш орқали Ўзбекистон стартап экотизимини ривожлантиришда фаол иштирок этишда давом этади. Биз учун Ўзбекистон кўплаб истиқбол ва имкониятларга эга жозибали мамлакат.
IT Park томонидан IT-тадбиркорлар учун амалга оширилаётган ишлар венчур бизнеснинг ўсишини рағбатлантиришда муҳим аҳамиятга эга”, — Педро Виeра, “500 Глобал” (АҚШ) компанияси ҳамкори.
(“500 Глобал” Ўзбекистон компанияларига сармоя киритади, шунингдек, уларнинг лойиҳаларини ривожлантиришга, халқаро бозорларга чиқишга, янги мижозлар ва ҳамкорларни топишга ёрдам беради.)
IT-хиёбон иштирокчилари рўйхатига қуйидагилар киради: Botcommerce (HUMOWELS), G-core, AlifTech, EverbestLab, Tezbor, UIC, Optimo, Leading Business Software, Norma, DATA CRAFT, SERVERCORE CIS, YOU CLOUD, ZNT Karshi, Online Software IT v2, Raqamli Sarmoya, Wegroww Tech, AMOEAST, TrustMe (DauInvest Qozog‘iston kompaniyasi), SIMSIM TECHNOLOGY CO, Unicall, SIUT, Global information technology, TENX CODERS, Cyber Space, Push30, IMAN HALAL INVESTMENTS, PDP ACADEMY, Dasturchilar markazi — Bepro, IT Academy, 1FIT, Naʼjot talim, MyTaxi, ALEX INFORMATION TECHNOLOGY SERVICE, GLOBAL SOLUTIONS, Green White Solutions, Sambhram university, BILIM TECH (Astrum), BEK CORP (Dynamics), TAFAKKUR, MILLIY TO‘LOV TIZIMLARI, LEAN TRADE SOLUTIONS (Le Bazar), FREEDOM PAYMENTS, Stemio, Speaklish, Tirox, EduOn, Jobster, PivotAd, Beautify, Uysot, Point AI, Ongila, Hyper App, Cyber Net, Royal Taxi, Mohirdev, TASS VISION, Ruby Fleet, Sug‘urta Bozor, Fibo Cloud, Finagers, Cafem, AIDENTIS, Botifi, OQ-OT, Azma Finance, Alina AI, WeinCrypto DAO, CODIFY, Realt24, DALATECH, Kale.
Реклама ҳуқуқи асосида.
Изоҳ (0)