Муваффақиятли ўтган UZTELECOM Pitch Day танловида иқтидорли стартаплар, инноваторлар ва технологиянинг мутахассислари рақамли технологиялар соҳасидаги лойиҳаларини тақдим этдилар.
АКТ ҳафталиги ICТ WEEK UZBEKISTAN – 2023 доирасида ушбу танлов ғолиблари тантанали равишда тақдирланди. Тадбир ташкилотчилари UZTELECOM Pitch Day ғолибларини рақамли технологиялар (Дата-марказ, Мобил алоқа, Телефония ва Интернет*) хизматларидан фойдаланиш лойиҳалари учун қимматбаҳо совғалар ва грантлар билан тақдирладилар.
“Ўзбектелеком” АК томонидан рақамли технологиялар инфратузилмаси хизматларидан фойдаланиш учун ажратилган грантнинг умумий суммаси 200 миллион сўмни ташкил этди:
- Биринчи ўринни “Point АI” жамоа лойиҳаси эгаллади ва 100 миллион сўм маблағ билан мукофотланди;
- Иккинчи ўрин “Моhir.АI” лойиҳасига берилди ва жамоага 60 миллион сўмлик мукофот насиб этди;
- Учинчи ўринни “Суғурта Бозор” лойиҳаси қўлга киритди ва жамоа 40 миллион сўмлик грант билан тақдирланди.
Ушбу грантлар ғолибларга ўзларининг инновацион лойиҳаларини муваффақиятли амалга ошириш ва рақамли технологияларни ривожлантиришга ҳисса қўшиш имкониятини беради.
Реклама ҳуқуқи асосида.
Изоҳ (0)