Тошкентнинг Юнусобод ва Мирзо Улуғбек туманлари 30 ва 31 октябрь куни қисман газ таъминотидан узилади. Бу ҳақда шаҳар ҳокимлиги матбуот хизмати хабар берди.
Куз-қиш мавсумига тайёргарлик ишлари доирасида Тошкентда кенг кўламли реконструкция, созлаш ва таъмирлаш ишлари олиб борилмоқда. Шу сабабли, 30 октябрь куни 08:00 дан 31 октябрь куни соат 20:00 га қадар қуйидаги манзилларда газ таъминоти вақтинча тўхтатилади:
Юнусобод туманида:
- Юнусобод — 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18 ва 19-даҳалари;
- “Анорзор”, “Шаҳристон”, “Кулолқўрғон”, “Туркистон”, “Бободеҳқон”, “Обод” маҳаллалари қисман;
- Мойқўрғон, Регистон, Мирзааҳмедова кўчалари ҳамда ТошГРЭС миттитуманидаги хонадонлар.
Мирзо Улуғбек ҳамда Юнусобод туманларида жойлашган улгуржи истеъмолчилар:
- 1-сонли қозонхона;
- “Юнусобод метан”, “Эдем” болалар уйи, “Дрим газ”, “Хубит газ”, “Лазиз савдо”, “Алекс Плоя бизнес”, “Делюкс транс сервис”, “Нак Абсолют” автомобилларга газ тўлдириш компрессор станциялари (АГНКС);
- “Эдем” болалар уйи;
- “Deutsche Kabel AG”, “Тошкент файз агро”, “Макро” масъулияти чекланган жамиятлари;
- “New Medical Services” клиникаси;
- 19-даҳа рўпарасидаги маиший хизмат мажмуаси.
Бундан ташқари, Юнусобод туманидаги қатор манзилларда газ босими пасайиши мумкин. Аҳолидан газ ускуналарига эътиборли бўлиб, эҳтиёткорлик чораларини кўриш сўралган.
“Ҳудудгаз Пойтахт” ГТФ ноқулайликлар учун узр сўраган.
Изоҳ (0)