Қишлоқ хўжалиги вазирлиги аҳоли газ тармоқларига уланмаган иссиқхоналарга газ етказиб берилишини маълум қилди.
Вазирлик матбуот хизмати хабарига кўра, 18 октябрь куни қатор мутасадди ташкилотлар иштирокида бўлиб ўтган йиғилишда иссиқхона хўжаликлари фаолиятини такомиллаштириш ва самарадорлигини ошириш масалалари муҳокама этилди.
Унда Қишлоқ хўжалиги вазирлиги Энергетика вазирлиги билан ҳамкорликда куз-қиш мавсумида аҳоли газ тармоқларига уланмаган иссиқхона хўжаликларига табиий газ етказиб бериш бўйича шартнома тузиш ишларини бошлагани маълум қилинди. Бу борада дастлабки шартномалар имзоланган.
Йиғилишда Қорақалпоғистон Республикаси, вилоятлар ва Тошкент шаҳар қишлоқ хўжалиги бошқармалари, “Ҳудудгазтаъминот” АЖ масъуллари ҳамда иссиқхона юритувчи тадбиркорлар вакиллари иштирок этди.
Қайд этилишича, газнинг тадбиркорлик субъекти вакилларига етказиш таннархи 1 куби учун 1 500 сўмни ташкил қилади. Тадбиркор рақамли ўлчов ҳисоблагич, захира ёқилғи ҳамда олдиндан бўнак тўловини амалга ошириши, унинг иссиқхонасида газ ёнишига замин яратади.
Изоҳ (0)