Тошкентнинг Юнусобод, Мирзо Улуғбек ва Яшнобод туманлари айрим ҳудудларида иссиқ сув таъминоти ўчирилади, деб хабар бермоқда Veolia Energy Tashkent. Бу 30—31 октябрь кунлари 1-ИМ ҳудудидаги “Ҳудудгаз Пойтахт” филиали газ таъминотини тўхтатиши билан боғлиқ.
“Бизнинг асосий иссиқлик энергиясини етказиб берувчимиз (Тошкент иссиқлик маркази МЧЖ) 1-ИМ қозонхонаси газ таъминотидан вақтинчалик узилади. Тўхташ сабаби Ҳудудгаз Пойтахт юқори босимли газ қувуридаги режалаштирилган ишлар билан боғлиқ бўлиб ишлар 30 октябрь куни соат 08:00 дан 31 октябрь соат 20:00 гача амалга оширилади”, — дейилади хабарда.
Иссиқ сув таъминоти тўлиқ тикланиши газ таъминоти қайта тикланганидан ва 1-ИМ қозонхонаси ишга туширилгандан сўнг (тахминан 31 октябрь ярим тунда) амалга оширилади.
Иссиқ сувни ўчириш қуйидаги ҳудудларга таъсир қилади:
Юнусобод тумани: С-4, С-5, С-6 даҳалари, А. Дониш, Эргашев, Бодомзор, Боғишамол, Ғуломов, Гидрометеорология маркази, А.Темур кўчалари.
Мирзо Улуғбек тумани: Навниҳол, Неъмат, Шаҳриобод, Дўрмон йўли, Мўминов, Зиёлилар, Хожибоев, Қаландар, М.Улуғбек, Левитан, Мудофаа вазирлиги госпитали ҳудуди, Сайрам, Буюк Ипак Йўли, М. Юсуф, Мустақиллик, Оққўрғон, Иргашев, Қ.Ниёзов, Муртазаев, П.Салар, П.Пишпек кўчалари, Ҳ.Олимжон майдони, С-1, С-2, Яланғоч, Бўз-1, Паркент даҳалари.
Яшнобод тумани: Боткина, Ташселмаш, Мирзо Улуғбек даҳалари, Риёзий, Паркент, Сиолковский, Махтимқули кўчалари.
Veolia Energy Tashkent МЧЖ ХК вақтинчалик ноқулайликлар учун олдиндан узр сўради.
Изоҳ (0)