Болливуд юлдузлари суратга олиш майдончасида қандай овқатланади? (фото)

Тасвирга олиш жараёнида кўпчилик актёрлар уй шароитида тайёрланган таомни афзал кўради. Салмон Хон тез-тез, аммо оз-оздан овқатланишни яхши кўради. Амир Хон эса ҳар икки соатда овқатланади. Ритик Рошан ейдиган ҳар бир нарсасининг калориясини диққат билан ҳисоблайди. Келинг, юлдузларнинг тушлик қутисида нима борлигини кўриб чиқайлик.

 

 

Сонакши Сингҳа ҳар уч соатда кичик овқат ейди. Унинг тушлик қутисида ҳар доим уйда ёпилган нон, сабзи ва салат бўлади. Шунингдек, у балиқ, товуқ гўшти ва тухум оқини яхши кўради.

Салмон Хон ҳам нонуштага товуқ гўшти, тухум оқи ва балиқ ейишни яхши кўради. У шакар ва қайта ишланган овқатлардан воз кечган, ўрнига салатларни афзал кўради.

Жон Абраҳам оддий, соғлом газакларнинг катта мухлиси. Тушликда у ёпган нон, ясмиқ шўрва ва исмалоқ истеъмол қилади. Нонуштага эса бир стакан янги шарбат, олтита тухум оқи, сарёғ суртилган ёғли тост ва 10 та бодом ейди.

 

Ранбир Капур уйда пиширилган таомларни яхши кўради. Нонушта учун у тухум оқини истеъмол қилишга ва бир стакан сабзавот шарбатини ичишга ҳаракат қилади. Тушликка Ранбир ҳинд таомлари (дал, роти, сабзи ва творог) истеъмол қилади.

Ритик Рошан ёғли ва қовурилган овқатларни истеъмол қилмасликка ҳаракат қилади. У кунига 6-7 марта янги мева ва сабзавотларни истеъмол қилишни яхши кўради. Унинг севимли таомлари — ширин картошка, жигарранг гуруч, товуқ ва кўп миқдордаги сув.

Ранвир Сингх тушлик учун ёғсиз гўштли нон ва бир тарелка салатни афзал кўради.

 

 

Варун Дҳаван тушликка буғда пиширилган жигарранг гуруч, учта нон, брокколи ва пиширилган товуқ истеъмол қилади. Нонуштага эса омлет, овсянка ва бутерброд ейишни яхши кўради.

Сидҳартҳ Малҳотра товуқ, балиқ, гўшт ва оқсилга бой овқатлар истеъмол қилади. Шунингдек, у кўп миқдорда сув ва протеинли коктейллар ичади.

Сунил Шетти нонушта учун тухум оқи ва жигарранг нонни афзал кўради, суратга олиш пайтида эса ўзи билан нон, жигарранг гуруч ва сабзавот олиб юради.

Дипика Падуконе эрталаб тухум оқи, ялпизли чутни, упма, идли ёки паратҳа (миллий таомлар номлари) ейишни яхши кўради.

 

 

​Приянка Чопра умуман овқат танламайди. У пепперрони пиццадан тортиб паратхагача ҳамма нарсани ейди. Унинг кундалик ратционида нон, сабзавот, шўрва, салат, гуруч ва кўплаб мевалар мавжуд.

Катрина Каиф жигарранг гуруч, ловия ва сабзавотли салатни афзал кўради. Тушлик пайтида асосан янги сиқилган шарбат ичади.

Нонушта учун Шилпа Шетти чой, оқсилли коктейл, иккита хурмо ва саккизта қора майиз ейди. Тушлик эса сариёғ, сабзавот ва товуқ гўшти ва беш хил турдаги дондан тайёрланган нондан иборат.