2023 йилнинг 24—27-октябрь кунлари рақамли технологиялар соҳасидаги йирик тадбир ICTWEEK 2023 доирасида UZTELECOM ўзининг уникал конвергент хизматларини тақдим этди. Ушбу хизмат асосий хизматларни, жумладан, уй интернети, мобил алоқа, телевидение ва уй телефонини бирлаштиради.
Стенд тақдимотида бошқарув раисининг тижорат масалалари бўйича ўринбосари А.Расулов янги тариф ҳақида қисқача тўхталиб ўтди: “Компаниямиз эндиликда соддалаштирилган ечим – конвергент хизматларни тақдим этмоқда. Бу бизнинг абонентларимизга максимал назорат ва қулайликни беради, чунки улар энди битта тўлов тизими ёрдамида барча хизматларини бемалол бошқаришлари мумкин. Энди абонент тўловларининг ҳар хил кунларини эслаб қолиш ёки бир нечта шахсий ҳисобга эга бўлиш шарт эмас – буларнинг барчаси анча соддалаштирилди. Таклиф қилинаётган янги имкониятлар барча сегментлардаги фойдаланувчилар учун биз томондан тақдим этилаётган телекоммуникация хизматларига ажойиб қўшимча бўлишига чин дилдан умид қиламиз. Биз хизматларимизни такомиллаштириш ва уларни мамлакатимизнинг ҳар бир фуқароси учун қулай қилиш йўлида доимий иш олиб борамиз”.
UZTELECOM фаол татбиқ этаётган янги WTTx технологияси оптик толали уланишлар билан таққослана оладиган юқори тезликдаги симсиз интернетга уланишни таъминлайди.
Ҳужжатларни тақдим этмасдан туриб мобил тармоққа бир зумда уланиш имконини берувчи SIMкомат инновацион хизмати ташрифчиларнинг алоҳида эътиборини тортди. Face ID орқали шахсни текшириш технологияси SIM-карта сотиб олишни сезиларли даражада осонлаштиради ва мижозларни керакциз расмиятчиликлардан халос қилади.
UZTELECOM томонидан мамлакат аҳолисининг хавфсизлик ва қулайлик даражасини оширадиган “Видео кузатув ва Домофон” янги интеграциялашган хизматининг жорий этилиши муҳим янгилик бўлди.
Компания, шунингдек, тадбиркорлар учун 5G асосидаги тармоқ ечимларини таклиф этади. UZTELECOM қишлоқ хўжалиги лойиҳаси мисолида фермерларга дала ва ўсимликлар намлиги, ҳаво ҳарорати ва тупроқ сифати каби муҳим маълумотларни масофавий датчиклар ёрдамида кузатиш имкониятини тақдим этади.
Компания абонентлар учун интерактив телевидениесининг янги имкониятларини очадиган TelecomTV хизматини намойиш этди. Тадбир доирасида Telecom TV уй кинотеатри орқали ташриф буюрувчилар ICTWEEK чиптаси ҳамда Смарт TV ҳам ютиб олишлари мумкин.
Селф-сервиcе, яъни ўз-ўзига хизмат кўрсатиш жараёнини соддалаштириш мақсадида, MyUztelecom мобил иловаси стенди ҳам тақдим этилмоқда. MyUztelecom мобил иловасига янгиланган функция ва хизматлар ҳам киритилган, хусусан, янги “Молия” менюси орқали банк карталарини улаш ва тўлов операцияларини амалга ошириш мумкин. Давлат хизматлари, Yandex Plus обунасини улаш, юзни аниқлаш технологияси (MyID) орқали фойдаланувчини идентификация қилиш, CashBack хизматлари ҳам мавжуд.
UZTELECOM стендида ўзига хос услубда яратилган UztelecomБот хизмати бор. Ушбу лойиҳада UZTELECOM хизматлари ҳақида кенг маълумот базасини кўра олиш, сунъий интеллектдан фойдаланиш туфайли жавобларнинг юқори тезлиги ва аниқлигига эга бўлиш мумкин.
Интерактивни севувчилар UZTELECOMънинг ўйин ишланмаларидан фойдаланиб ўйинлар оламига шўнғиб кетишлари мумкин. Ушбу уникал ўйинлар ўйинчиларни ҳақиқат ва зулмат қўшилиб кетадиган сирли дунёга олиб киради ва уларга унутилмас таассурот тақдим этади.
Бундан ташқари “Ўзбектелеком” акциядорлик компанияси IPO орқали жойлаштириш учун ўз устав фондидан жами 5 542 046 дона қўшимча акциялар чиқарилишини рўйхатдан ўтказганлигини маълум қилинди. Обуна кампанияси жорий йил охиригача якунланиши кутилмоқда. Эмиссиянинг тахминий қиймати 33 млрд сўмдан 55 млрд Сўмгача бўлган диапазонга тўғри келади.
Портфолио Investmentс компанияси Ўзмиллийбанк ва СҚБ билан консорсиумда “Ўзбектелеком” IPOнинг андеррайтери ҳисобланади. Жойлаштириш кампаниясининг расмий бошланиши 25 октябрь куни соат 11:00 да ICTWEEK UZBEKISTAN форуми доирасида бўлиб ўтди.
Шуни таъкидлаш керакки, UZTELECOM Tencent CDН-серверларини (PUBG машҳур ўйини учун серверлар) Ўзбекистон Республикаси ҳудудида локализация қилиш лойиҳасини амалга оширишни бошлаганини эълон қилди. Ҳозирги вақтда “Ўзбектелеком” АК Марказий Осиёда Tencent CDН-серверларини локализация қилиш лойиҳасини амалга оширган биринчи ва ягона компания ҳисобланади.
PUBG серверларини локализация қилиш ва ишга тушириш тугаллангандан сўнг, ушбу ўйинни севувчилар серверларга тўғридан тўғри уланишлари мумкин, бу эса ўйин пинг ва сифатини сезиларли даражада яхшилайди ва ўйин тажрибасини орттиради.
Реклама ҳуқуқи асосида.
Изоҳ (0)