Joriy yilning 25-26-oktyabr kunlari “Nodir metallar va mis sanoati” mavzusida Nodir metallar va qattiq qotishmalar ishlab chiqarish ilmiy birlashmasida VII O‘zbekiston—Koreya nodir metallar va mis sanoati ikki tomonlama xalqaro seminari bo‘lib o‘tdi.
Tog‘-kon sanoati va geologiya vazirligi, Investitsiyalar, sanoat va savdo vazirligi, Olmaliq kon-metallurgiya kombinati, Koreya davlatining KITECH hamda KIRAM institutlari hamkorligida tashkil etilgan seminarda sohaning yetakchi ekspertlari, olimlar, professor va mutaxassislar, tadqiqotchilar ishtirok etishdi. O‘zbek-Koreys nodir metallar dasturining koordinatori Amir Obidov taʼkidlaganidek, — Seminarning asosiy maqsadi Nodir metallar va mis sanoati bo‘yicha O‘zbekiston va Koreya olimlari o‘rtasida innovatsion va ilmiy ishlanmalarning, kelajakda qo‘llaniladigan texnologiyalarning joriy etish bo‘yicha muhokama etishdan iborat bo‘ldi.
Seminarda sohada erishilgan yutuqlar bo‘yicha turli mavzularda mutaxassislar tomonidan maʼruzalar, stendli maʼruzalar ishtirokchilar hukmiga havola etildi.
Shuningdek, seminar ishtirokchilar uchun sanoat turi tashkil etilib, ular Nodir metallar va qattiq qotishmalar ishlar chiqarish ilmiy birlashmasi qoshidagi O‘zbek—Koreys ilmiy texnologik markazi, ilmiy texnik kutubxona faoliyati bilan ham tanishishdi.
Shu bilan birga ishtirokchilar ilm-fanning sanoatga integratsiyasi natijasida ishlab chiqarishi o‘zlashtirilgan mahsulot turlari bilan va ishlab chiqarish jarayoniga guvoh bo‘lishdi.
Seminarda aynan mis va nodir metallarni chuqur qayta ishlash yo‘li bilan yuqori qiymatli mahsulotlar ishlab chiqarish bo‘yicha o‘zaro fikr-mulohazalar almashildi.
Koreya sanoat texnologiyalari instituti hamda ODA dasturining O‘zbekistondagi vakili Kim Bum Sung: Seminar har ikki tomon uchun ham juda foydali bo‘ldi. Seminar davomida o‘zaro hamkorlikda erishilgan bir qator loyihalarimiz eʼtirof etildi. Bunda albatta kombinat olimlari va mutaxassislari menda ijobiy taassurot qoldirishdi. Ular o‘zlariga yuklatilgan vazifalarni sidqidildan yondashishadi. Ularning erishayotgan natijalaridan ham fikrlarimni yorqin isbotini ko‘rishimiz mumkin. Seminar har ikki tomon uchun ham juda foydali bo‘ldi.
.jpg)
Maʼlumot uchun, 2022-yilning 25-dekabr kuni Koreya Milliy Assambleyasi tomonidan Olmaliq kon-metallurgiya kombinatiga ODA dasturiga ko‘ra, 15 mlrd von(12 mln AQSH dollari atrofida) miqdoridagi grant ajratilgan. Bu mablag‘ga 2023-yilning oxirigacha o‘zbek-koreys ilmiy texnologik markazining tajriba sexiga taxminan 750 000 AQSH dollarlik uskunalar o‘rnatiladi.
Markaz bu dastur bo‘yicha nodir metallarni – volfram molibden, tellur, selen, reniy, osmiyni qayta ishlab, yarim o‘tkazgich sanoati uchun sof holda ajratib olish, qattiq qotishmali uskunalarga qattiq baryer qoplamalarni qoplash, yarimo‘tkazgich sanoati uchun kislorodsiz mis mahsulotini ishlab chiqarishni yo‘lga qo‘yishni rejalashtirgan.
Reklama huquqi asosida.
Izoh (0)