Кўп йиллардан буён CDМА стандарти асосида уяли алоқа хизматларини кўрсатиб келаётган Perfectum бренди остида фаолият юритувчи “РWC” МЧЖ ҚК Ўзбекистондаги бизнесининг кенг кўламли трансформациясини бошламоқда.
Perfectum компанияси мамлакат телекоммуникация бозорини, шунингдек, Ўзбекистон иқтисодиётининг янги замонавий мобил алоқа инфратузилмасига бўлган эҳтиёжларини ҳар томонлама таҳлил қилган ҳолда, Бизнес транформация стратегиясини қабул қилди. Янги стратегия энг замонавий 5G НР (New Radio) технологиясига асосланган.
Маълумот учун, 5G бешинчи авлод мобил алоқа стандарти бўлиб, у сигнал узатишда минимал кечикишларни (атиги 1–2 мс) ва юқори интернет тезлигини (25 Гбит/с гача) таъминлайди.
Биринчи босқичда, компания Ўзбекистон Республикаси Рақамли технологиялар вазирлигига мурожаат қилиб, ўз стратесияси тўлиқ тушунтириб берди ва бутун мамлакат бўйлаб бешинчи авлод мобил алоқа тармоғини ишга тушириш учун зарур бўлган частота ресурси ажратишни сўради.
Компаниянинг мурожаати вазирлик томонидан қаноатлантирилди ва эндиликда Perfectum н77 диапазонида жойлашган 100 МГц ТДД частота ресурсига эга, бундан ташқари, н5 диапазонида 15 МГц ФДД частотаси ҳам компания ихтиёрида. Мавжуд спектрни ва энг талабчан мижозларга 5G НР стандартининг барча афзалликларидан максимал даражада фойдаланиш имкониятини тақдим этиш мақсадида, тармоқни ишга тушириш учун энг мос модел – 5G SA (станд алоне) модели танланди. Ушбу модел якка тартибдаги абонентлар учун ҳам, Ўзбекистонда фаолият олиб бораётган корхоналар учун ҳам бирдек мос келади.
Гаджет фойдаланувчилари, саноат корхоналари ва шаҳар инфратузилмаси каби турли тоифадаги истеъмолчиларнинг эҳтиёжларини тўлиқ қондира олади.
Ишончимиз комилки, 5G технологиялари Интернет буюмлари (IoT), ҳайдовчисиз ҳаракатланувчи автотранспорт воситалари, телемедицина, виртуал ва тўлдирилган реаллик (VR/АR) каби технологик ечимларни ишлаб чиқиш жараёнининг ривожланишига туртки бўлади.
5G тармоғи технологиялар ҳақидаги янги тушунчаларни таклиф қилади: инновацион, илғор платформа бўлганлиги сабабли, унинг асосида иқтисодиётнинг кўплаб тармоқлари ривожланиш учун қўшимча туртки олади. Мутлақо янги хизматлар, бизнес моделлари, қурилмалар, ишлаб чиқариш занжирлари ва инфратузилма ўртасидаги ўзаро алоқа турлари пайдо бўлади.
Қайд этилишича, 5G тармоқларининг ишга туширилиши мамлакат ялпи ички маҳсулотининг бир неча фоизгача ўсишини таъминлайди.
Таъкидлаб ўтиш лозимки, тақдим этилаётган имкониятларнинг барчаси мамлакат раҳбари миллий иқтисодиётни рақамлаштириш ва янги технологияларни жорий этиш орқали модернизация қилиш йўналишини белгилаб берганидан сўнг пайдо бўлди.
Мобил алоқа тизимларини ишлаб чиқиш ва ишлаб чиқариш бўйича дунёда етакчи ўринни эгаллаган NOKIA компаниясининг лойиҳага жалб этилиши 5G CA тармоғини қисқа вақт ичида бутун мамлакат бўйлаб тарқатиш имконини беради. NOKIA раҳбарияти билан тегишли музокаралар ҳамкорлик меморандумининг имзоланиши билан якунланди.
Шу билан бирга, жорий йилнинг октябрь ойида БААда бўлиб ўтган GITEХ кўргазмаси давомида Perfectum глобал мобил алоқа оператори e& (Etisalat) билан ҳамкорлик шартномасини имзолади. Ҳамкоримизнинг тажрибаси ва имкониятлари туфайли биз технологик платформа соҳасида ҳам, тижорий ривожланиш нуқтаи назаридан ҳам барча бизнес жараёнларни энг юқори даражада ташкил этишни режалаштирмоқдамиз. Умид қиламизки, e& (Etisalat) бренди Ўзбекистон Республикасида муносиб тарзда тақдим этилади.
Бизни олдинда катта ўзгаришлар кутмоқда, ишончимиз комилки, ўзгаришлар фақатгина яхши натижаларга сабабчи бўлади!
Реклама ҳуқуқи асосида.
Изоҳ (0)