Польша президенти Анжей Дуданинг идорасига тегишли машиналардан бирида кузатув датчиги топилди, деб хабар бермоқда TVN24 Давлат хавфсизлик хизмати ходимига таяниб.
Манбанинг сўзларига кўра, датчик автомобилларда портловчи моддалар бор-йўқлигини режали текшириш вақтида аниқланган.
“Афтидан, машина бир неча ойдан бери шу датчик билан юрган бўлиши мумкин, у президент кортежига бир неча бор киритилган, шу жумладан президентнинг Украинага сафари пайтида ҳам”, — деди телеканал суҳбатдоши.
Датчикни лимузинга ким ва қачон ўрнатгани ҳали номаълум. Ички хавфсизлик агентлиги тергов олиб бормоқда. TVN24 нинг аниқлик киритишича, президентнинг ўзи бу машинадан фойдаланмаган.
Президент идораси, Давлат хавфсизлик хизмати ва ички хавфсизлик агентлиги вакиллари TVN24 телеканалининг саволларига жавоб бермади.
Изоҳ (0)