“Булар ҳақиқатан ҳам битта одамми?”: Хилма-хил образларни синаб кўрган Голливуд юлдузлари (фото)

Қуйида Голливуд актёр ва актрисаларининг образлари фильмдан фильмга қандай ўзгарганини кузатиш мумкин.

Родриго Санторо

“Нафис оғу” телесериалида актёр келишган йигит Элисеу ролини ўйнайди. Кейинчалик у “Чин муҳаббат” фильмида Карл ролини ижро этади. 2006 йилда Санторони “300” фильмида Форс қироли Ксеркс ролида кўриш мумкин.

Зои Салдана

2008 йилда Зои Салдана “Нишон марказида” фильмида телевидение мухбири ролини ўйнайди ва 5 йилдан кейин у “Жаҳаннам қаҳрамони” фильмида иродали қиз Лена Тейлор ролини ижро этади. 2014 йилда “Галактика қўриқчилари”да у ғайритабиий кучлар эгаси Гамора сифатида қайта туғилади. “Аватар: Сув йўли” фильмида у Нейтирининг ажойиб қаҳрамонига айланади.

Аня Тейлор-Жой

2015 йилда Аня Тейлор Жой “Атлантис” сериалида жуда ғайриоддий образда чиқади. “Эмма” фильмида у бош қаҳрамон Эмма Вудхаусга, “Қироличанинг юриши” сериалида эса истеъдодли шахматчи Бет Ҳармонга айланади. 2022 йилда у “Амстердам” фильмида беқиёс Либи Воуз ролида пайдо бўлади.

Томас Сангстер

2011 йилда “Суперқаҳрамоннинг ўлими” фильми чиқади, унда Томас Сангстер оғир касалликка чалинган бола Дональд ролини ўйнайди. Шу билан бирга, “Альбатрос” фильмида оддий бола Марк ролини ўйнайди. 2020 йилда “Қироличанинг юриши” сериали чиқади, унда Сангстер дунёга машҳур шахматчи Бенни Уотц қиёфасида пайдо бўлади.

Хелена Бонем Картер

Хеленани ҳақиқий трансформация устаси деб аташ мумкин. “Катта балиқ” фильмида у қари жодугар тимсолида пайдо бўлади. “Тост” фильмида эса унга овқат пиширишни билмайдиган Поттер хоним роли ишониб топширилган. “Алиса кўзгуорти мамлакатида” фильмида актриса Қизил қиролича сифатида қайта туғилади. “55 қадам” фильмида у ўз ҳуқуқлари учун курашган Элеанора Райз ролини ўйнайди.

Мерил Стрип

“Ўрмондан йироқда” фильмида Мерил Стрип ёвуз жодугарни, “Кичик аёллар”да у қаҳрамоннинг хушмуомала холасини, “Тепага қарама” фильмида бепарво президент ролини ўйнайди. Бу аёл, албатта, ҳар қандай одамга айланиши мумкин.

Сирша Ронан

“Ханна” фильмида Сирша жасур қиз Ханнага айланади, “Соҳилда” фильмида — яқинда турмушга чиққан Флоренсия ролини ўйнайди. “Икки малика” фильмида эса актриса ўзини Мери Стюарт сифатида ажойиб тарзда реенкарнация қилади.

Кейт Бланшетт

Вуди Алленнинг “Жасмин” фильмида Кейт бирданига ўз мавқейини йўқотган зодагон аёл ролини ўйнайди. “Тор: Рагнарёк” фильмида актриса Ҳела маъбудаси қиёфасида пайдо бўлади. “Кабуслар хиёбони” фильмида эса унга маккор шифокор Лилит Риттер роли ишониб топширилган.

Никол Кидман

“Мулен Руж” мусиқий фильмида Никол Сатин кабаресининг юлдузига айланади. “Кўл тепаси” телесериалида у Жулия исмли она ролини ўйнайди. “Зиёфатларда қандай гаплашиш керак” фильмида у панк гуруҳи менежери қиёфасини синаб кўрди. “Варяг” фильмида эса у қиролича Гудрун сифатида қайта туғилади.

Рами Малек

“Музейдаги тун” фильмида Рами Малек қайта тирилган фиръавн Акменра сифатида пайдо бўлади. 2015 йилдан 2019 йилгача у “Жаноб робот” сериалида социофоб дастурчи Эллиот ролини ўйнайди. 2017 йилда “Капалак” драмасида молиявий фирибгар Луи Дегас ролини ижро этади.