Хоразм вилояти Урганч шаҳрида қалбаки акциз маркали алкогол маҳсулотлари муомалага киритилишининг олди олинди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Хабарга кўра, бош прокуратура ҳузуридаги департаментнинг Урганч шаҳар бўлими томонидан ўтказилган терговга қадар текширувларда “У.А.” хусусий корхонаси, “И.Ш.” ва “М.Ш.” МЧЖларга қарашли савдо шохобчаларида 5 хил турдаги жами 1 019 дона қалбаки акциз маркали алкогол маҳсулотлари савдога қўйилгани аниқланиб, ашёвий далил сифатида олинган.
Худди шундай, департаментнинг Бухоро вилоят бошқармаси томонидан ўтказилган терговга қадар текширувда Ғиждувон туманидаги “Д.Н.” МЧЖга қарашли савдо дўконида 10 хил турдаги жами 894 дона қалбаки акциз маркали алкогол маҳсулотлари савдога қўйилгани аниқланиб, ашёвий далил сифатида олинган.
Мазкур ҳолатлар юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)