Хоразм вилоятида қалбаки акциз маркали алкогол маҳсулотларини муомалага киритилишининг олди олинди, деб хабар беради Бош прокуратура ҳузуридаги департамент.
Қайд этилишича, департаментнинг Боғот туман бўлими томонидан терговга қадар текширув ўтказилган. Текширувда тумандаги “М.О” МЧЖга қарашли савдо шохобчасида беш хил турдаги 902 дона қалбаки акциз маркали алкогол маҳсулотлари савдога қўйилгани аниқланиб, ушбу маҳсулотлар ашёвий далил сифатида олинган.
Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.
- Наманганда май ойида вилоят ҳудудига ноқонуний олиб кирилган қарийб 200 миллион сўмлик тамаки маҳсулотлари ёқиб юборилганди.
- Шунингдек, Тошкент ва Фарғонада акциз маркасиз тамаки ва алкогол маҳсулотлари савдоси тўхтатиб қолингани,
- Наманган вилоятида ўтказилган тезкор тадбирда акциз маркасиз тамаки маҳсулотлари муомалага киритилишининг олди олингани тўғрисида хабар берилганди.
Изоҳ (0)