Ўзбекистон ташқи ишлар вазири Бахтиёр Саидов Эроннинг Ўзбекистондаги янги тайинланган элчиси Муҳаммад Али Искандарийнинг ишонч ёрлиқлари нусхаларини қабул қилди. Бу ҳақда ТИВ раҳбари ўзининг Telegram каналига ёзиб қолдирди.
Қайд этилишича, томонлар Ўзбекистон—Эрон ўзаро манфаатли ҳамкорлигини кенгайтириш бўйича икки мамлакат ташқи ишлар вазирликлари олдидаги устувор вазифаларни муҳокама қилган.
“Жаноб элчига мамлакатимиздаги фаолияти давомида муваффақиятлар тилаймиз”, — деб ёзади Бахтиёр Саидов.
Сентябрь бошларида Эроннинг Ўзбекистондаги элчиси Ҳамид Найрободий мамлакатдаги фаолиятини якунлаганди.
Аввалроқ Ўзбекистоннинг Польшадаги элчиси ўз миссиясини якунлаётгани, Тошкентда Бразилия элчихонаси очилиши мумкинлиги, Жаҳонгир Аминов Ўзбекистоннинг Исроилдаги янги элчиси сифатида иш бошлагани тўғрисида хабар берилганди.
Изоҳ (0)