6 сентябрга ўтар кечаси Россия қўшинлари Украина ҳудудига ҳаво ва қуруқликдан ракеталар, шунингдек, камикадзе дронлари билан ҳужум қилди. Бу ҳақда Украина Қуролли кучларининг Ҳарбий-ҳаво кучлари хабар берди.
Жами 33 та ҳаво нишони қайд этилган, улардан 23 таси йўқ қилинган. Украина Қуролли кучлари маълумотларига кўра, ҳаво ҳужумидан мудофаа кучлари Россиянинг еттита Х-101/Х-555/Х-55 типидаги ҳаводан учириладиган ракеталарини, битта “Искандер-М” баллистик ракетасини ва 15 та Shahed камикадзе дронларини уриб туширган.
Киев вилояти ҳарбий бошқармаси бошлиғи Сергей Попконинг айтишича, Киев аралаш ҳужумга учраган, унда турли синфдаги ракеталар, жумладан, Х-101/Х-555/Х-55 ишлатилган. Попкон барча ракеталар ҳаво ҳужумидан мудофаа тизимлари томонидан йўқ қилинганини таъкидлади.
Киев вилоятида ракета парчаларининг қулаши оқибатида савдо корхонаси ҳудудида ёнғин содир бўлди, деб хабар берди Фавқулодда вазиятлар давлат хизмати. Қурбонлар ва жабрланганлар йўқ.
.jpg)
Шунингдек, Россия қўшинлари Одесса вилоятининг Измоил туманига учувчисиз учоқлар билан ҳужум қилди, деди вилоят маъмурияти раҳбари Олег Кипер. Унинг сўзларига кўра, ҳужумда қишлоқ хўжалиги корхоналаридан бирининг ходими ҳалок бўлган. Кипер шунингдек, бир қанча аҳоли пунктларида вайронагарчилик ва ёнғинлар қайд этилганини айтди.
Изоҳ (0)