Ўзбекистонда Luxury Train Cruising сайёҳлик поезди ишга туширилади. Бу ҳақда “Ўзбекистон темир йўллари” АЖ матбуот хизмати хабар берди.
Маълум қилинишича, Италиянинг Arsenale S.p.А компанияси ўртасида биринчи лойиҳа бўйича ўзаро тушуниш ва ҳамкорлик тўғрисида меморандум имзоланди. Меморандумга кўра, 2026 йил охиридан бошлаб Ўзбекистоннинг тарихий шаҳарлари бўйлаб ҳаракатланадиган ҳашаматли поезд қатнови ишлаб чиқилади ва қурилади. Лойиҳа Инвестициялар, саноат ва савдо вазирлиги кўмагида амалга оширилмоқда.
Luxury Train Cruising сайёҳлик поездининг ишга туширилиши Ўзбекистон ва бутун Марказий Осиё минтақаси учун муҳим воқеа бўлиши кутилмоқда. Лойиҳа бутун дунё сайёҳларининг эътиборини тортади ва уларга Ўзбекистоннинг Самарқанд, Бухоро ва Хива каби тарихий шаҳарларининг ноёб гўзалликларидан баҳраманд бўлиш имконини беради. Поезд йўловчиларга саёҳат пайтида максимал қулайликни таъминлаш учун барча замонавий қулайликлар билан жиҳозланган бўлади.
Luxury Train Cruising сайёҳлик поездининг ишга туширилиши Ўзбекистон ҳукумати томонидан қўллаб-қувватланди, у ушбу лойиҳада туризмни ривожлантириш ва хорижий инвестицияларни жалб қилиш учун улкан салоҳиятни кўрмоқда. Ўзбекистон Марказий Осиёдаги асосий сайёҳлик масканига айланишга интилмоқда ва ушбу поезднинг ишга туширилиши ушбу мақсадга эришишда муҳим қадам бўлади.
Поездни Тошкент—Самарқанд—Бухоро—Хива—Тошкент йўналишида йўлга қўйиш таклиф қилинмоқда.
Изоҳ (0)