Франция президенти Эммануэл Макрон эронлик ҳамкасби Иброҳим Раисий билан телефон орқали суҳбатда уни Исроил ва ҲАМАС ҳаракати ўртасидаги зиддиятни кучайтирмаслик ҳақида огоҳлантирди. Бу ҳақда Елисей саройига таяниб, DW хабар берди.
“Макрон президент Раисийни можаронинг ҳар қандай тарзда авж олиши ёки тарқалишидан, айниқса Ливан масаласида огоҳлантирди. “Ҳизбуллоҳ” ва ҲАМАС билан алоқалари инобатга олинган ҳолда, Эрон бу борада масъулиятни ўз зиммасига олади”, — деб маълум қилди Франция давлат раҳбари матбуот хизмати.
Теҳрон “минтақавий вазият кескинлашишининг олдини олиш учун ҳамма нарсани қилиши керак”, дея қўшимча қилди Париж.
Эрон Исроилга ҲАМАС томонида урушиш билан таҳдид қилди
Аввалроқ ҲАМАС ҳаракатларини очиқ қўллаб-қувватлаётган Эрон Исроилни Ғазо секторига ҳужумларини давом эттирса, “оқибатлар” тўғрисида огоҳлантирган эди. Теҳрон жамоатчиликни огоҳлантирди ва БМТ каналлари орқали Исроилга шахсий хабар юборди, унда агар Исроил Ғазо секторида ҲАМАСни йўқ қилиш кампаниясини давом эттирса, можарога аралашиши мумкинлиги ҳақида маълум қилди, деб ёзади Тҳе Жерусалем Пост.
Эрон ташқи ишлар вазири Ҳусайн Амир Абдуллоҳийян яқинда Ливанда БМТнинг Яқин Шарқдаги вазиятга ечим топиш бўйича координатори Тор Веннесланд, кейин эса Қатарда ҲАМАС етакчиси Исмоил Ҳания билан учрашди. Иккинчи учрашувда Исроилга ҳужум қилиш ва ҳаракат мақсадларига эришиш учун ҳамкорликни давом эттириш муҳокама қилинди, дея қайд этди Тҳе Жерусалем Пост ҲАМАС баёнотига таяниб.
Изоҳ (0)