Янги қозонхона қуриш учун магистрал қувурни реконструкция қилиш доирасида Тошкентнинг “Водник” даҳасида иссиқ сув таъминоти вақтинча тўхтатилади. Бу ҳақда Veolia Energy Tashkent хабар берди.
Қайд этилишича, қувур арматураларини алмаштириш ва магистрал қувурни реконструкция қилиш зарурати туфайли “Водник ”даҳасига иссиқ сув таъминоти қуйидаги саналарда вақтинча тўхтатилади:
- 12-октябр соат 13:00 дан 17:00 гача;
- 16-октябр соат 9:00 дан 20-октябр 16:00 гача.
Ушбу чора иссиқлик таъминоти тизимини модернизация қилиш ва ҳудудда ёпиқ иссиқлик таъминоти тизимига ўтиш доирасида замонавий қозонхона қурилишини якунлаш учун зарур.
Veolia Energy Tashkent МЧЖ ХК вақтинчалик ноқулайликлар учун олдиндан узр сўрайди ва иссиқ сув таъминотини тезроқ тиклаш учун барча зарур чораларни кўради.
Аввалроқ Тошкентнинг Яшнобод туманида тармоқ қувурларини ўтказиш ишлари йўл қатновининг маълум қисми ёпилган ҳолда ўтказилиши тўғрисида хабар берилганди. Шунингдек, Миробод туманининг айрим кўчаларида иссиқ сув таъминоти бир неча кун давомида бўлмаслиги айтилган эди. Бунга Нукус—Ойбек кўчаси кесишмасида жойлашган иссиқ сув қувурларида 7-октябр куни авария ҳолати юз бергани сабаб бўлмоқда.
Изоҳ (0)