Қашқадарё вилоятининг Қарши шаҳрида жойлашган вилоят перинатал марказида ёш болали аёллар полда ётгани айтилган хабарлар тарқалганди. Вилоят соғлиқни сақлаш бошқармаси буни асоссиз маълумот демоқда.
Ижтимоий тармоқларда Қашқадарё вилояти перинатал марказида янги кўзи ёриган аёллар ва чақалоқлар ерда ётгани ҳақидаги маълумотлар эълон қилинди. Мазкур ҳолат вилоят соғлиқни сақлаш бошқармаси масъуллари томонидан тезкор ўрганилди.
Аниқланишича, хабарда таъкидланган маълумотлар асоссиз. 2023 йил 11-октябр куни вилоят перинатал марказида 186 нафар ҳомиладор ва кўзи ёриган аёл мавжуд бўлган. 200 ўринга эга мазкур марказда шу куни суратда акс этган ҳолат асло кузатилмаган (суратнинг қачон ва қаерда олингани бўйича қўшимча ўрганишлар олиб борилмоқда).
Аёллар ва чақалоқларнинг бирор нафари ҳам ерда ётмаган, ҳар бир аёлга зарур шароитлар яратилган. Ҳомиладор ва туғган аёллар билан суҳбатлашилганда ҳам ушбу ҳолат тасдиқланмади, — дейилади расмий муносабатда.
Қўшимча қилинишича, ушбу марказга 20 йилдан бери фаолият юритиб келаётган Бобоназар Шодиев раҳбарлик қилмоқда.
Изоҳ (0)