Ўзбекистон Ташқи ишлар вазирлиги Фаластин—Исроил можароси ҳудудида тинч аҳоли орасида кўплаб қурбонларга олиб келган ва бутун Яқин Шарқдаги вазиятни сезиларли даражада мураккаблаштирган ҳолат кескинлашганидан жиддий хавотир билдиради.
“Биз курашаётган томонларни қуролли қарама-қаршиликни тез фурсатларда тугатиш ва инқирозни сиёсий ҳамда дипломатик воситалар орқали ҳал қилиш учун барча чораларни кўришга чақирамиз”, — дейилади вазирлик баёнотида.
Ўзбекистон ТИВ сўнгги воқеалар муносабати билан ҳалок бўлганларнинг оила аъзоларига чуқур ҳамдардлик билдиради ва барча жароҳатланганларнинг тезроқ соғайиб кетишини тилайди.
7-октябрдан бери ҲАМАС ва Исроил армияси бир-бирга авиазарбалар йўлламоқда. Фаластин Соғлиқни сақлаш вазирлиги Ғазо секторида 413 нафар фаластинлик ҳалок бўлгани, яна 2,3 минг киши жароҳатланганини маълум қилди. Исроилда 700 дан ортиқ одам қурбон бўлган, 2,1 минг киши жароҳатланган.
Изоҳ (0)