АҚШ Савдо вазирлиги Россия мудофаа-саноат мажмуасини қўллаб-қувватлаган 42 та Хитой компаниясини экспорт назорати рўйхатига киритди. Бу борадаги тегишли огоҳлантириш АҚШ Федерал реестрига жойланган.
Чекловлар, жумладан, Россия Украинадаги тинч аҳоли нишонларига ҳужум қилишда фойдаланадиган ракета ва учувчисиз учиш қурилмаларини бошқариш тизимларида қўлланадиган Америка микрочиплари етказиб берилгани боис ҳам жорий этилган.
Экспорт назорати рўйхатига, шунингдек, Финляндия, Германия, Ҳиндистон, Туркия, БАА ва Буюк Британия компаниялари ҳам киритилган.
“Бугун рўйхатнинг тўлдирилиши аниқ сигнални беради: агар Россия мудофаа секторига Америкада ишлаб чиқарилган технологиялар етказиб берилса, биз буни аниқлаймиз ва чора кўрамиз”, — дейди АҚШ савдо вазири ўринбосари Метю Акселрод.
Экспорт назорати рўйхатига киритилиш эндиликда реестрдаги ташкилотлар товарларни юборишда “олиниши қийин бўлган лицензияни” тақдим этиши керак бўлади.
Эслатиб ўтамиз, 19 июль куни Тҳе Washington Post газетаси АҚШ Россияга нисбатан жорий этилган санкцияларни бузгани учун Қирғизистонга қарши иқтисодий чоралар кўраётгани ҳақида хабар берганди. Нашрнинг ёзишича, Вашингтон Бишкекни Россияга Хитой дронларини етказиб беришда гумон қилмоқда.
Изоҳ (0)