Наманган шаҳрида битта оҳак ишлаб чиқариш цехи 7 миллиард 56 миллион сўмлик табиий газдан ноқонуний фойдалангани маълум бўлди. Бу ҳақда Энергетика вазирлиги матбуот хизмати хабар берди.
Маълум қилинишича, “Ўзэнергоинспекция” ва “Ҳудудгазтаъминот” АЖ томонидан тегишли органлар билан ҳамкорликда Наманган шаҳрида ўтказилган назорат тадбирларида табиий газдан ноқонуний фойдаланиш ҳолатлари аниқланган
Хусусан, Наманган шаҳрида истиқомат қилувчи А.Э.Н.га қарашли оҳак ишлаб чиқариш цехи табиий газ ҳисоблагичисиз, тармоққа ноқонуний равишда уланганлиги натижасида давлат манфаатларига 7 миллиард 56 миллион сўм (4 млн 704 минг метр куб) зарар етказган.
Ушбу ҳажмдаги табиий газ ҳозирги кунда 23 минг 520 та хонадоннинг бир ойлик истеъмолига тенгдир.
Қоидабузар истеъмолчига нисбатан белгиланган тартибда чоралар кўриш учун тегишли ҳужжатлар ҳуқуқни муҳофаза этувчи органларга тақдим қилинган.
Оҳак цехларининг ноқонуний фаолияти
- Бир неча кун олдин Фарғонада оҳак цехини умумий фойдаланишдаги газ тармоғига ўғрилик йўли билан улаб, жами 168,5 миллион сўмлик табиий газдан ноқонуний фойдалангани шахс аниқланган эди.
- Шунингдек, Наманган шаҳрида оҳак пишириш хўжалиги 4 миллиард сўмдан ортиқ табиий газдан ноқонуний фойдаланиб келгани,
- Жиззахда оҳак ишлаб чиқариш цехи 330 млн сўмлик газдан ноқонуний фойдалангани тўғрисида хабар берилганди.
Изоҳ (0)