“Даракчи” газетасининг русча нашри — “Даракчи плюс”нинг фаол журналисти Сурия Магдиева 4-октябр куни вафот этди. Бу ҳақда “Даракчи” нашри хабар берди.
Маълумотларга кўра, марҳума 43 ёшда бўлган.
“Марҳумани бутун республика, айниқса, Наманган вилояти истеъдодли журналист сифатида яхши биларди. У ҳеч ҳам чарчамайдиган, серҳаракат, республикадаги барча тадбирларда фаол, жамоада барчага меҳрибон ва ақлли инсон эди”, — дейилади хабарда.
Қайд этилишича, Сурия Магдиева пойтахтга келишидан олдин “Наманган ҳақиқати” газетасида фаолият юритган.
Сентябр ўрталарида Тошкентда 13 сентябрь куни “Дунё бўйлаб” телеканалининг 31 ёшли бошловчиси Рамина Ягафарова вафот этгани тўғрисида хабар берилганди. Май ойида эса “Ёшлар” телеканалининг “Янги давр” дастури телебошловчиси, журналист Нозима Маҳмудова вафот этганди. У юрак операциясидан кейин ҳаётдан кўз юмган. Мартда бўлса журналист ва шоир, “Инсон ва қонун” газетаси ҳамда “Ҳуқуқ ва бурч” журнали бирлашган таҳририяти ходими Акмал Тошев вафот этгани тўғрисида хабар берилганди.
Изоҳ (0)