Шавкат Мирзиёев Россияга расмий ташрифнинг биринчи манзили — Қозон шаҳрига етиб борди. Бу ҳақда Президент матбуот хизмати хабар берди.
![](/static/2023/05/Fozilbek/photo_2023-10-05_13-58-47.jpg)
Абдулла Тўқай номидаги халқаро аэропортда давлат раҳбарини Россия ҳукумати раисининг ўринбосари — саноат ва савдо вазири Денис Мантуров ва Татаристон раиси Рустам Минниханов кутиб олди. Ташриф дастурига мувофиқ, бугун Қозонда қатор тадбирлар бўлиб ўтади.
![](/static/2023/05/Fozilbek/photo_2023-10-05_13-58-47 (2).jpg)
![](/static/2023/05/Fozilbek/photo_2023-10-05_13-58-48.jpg)
Эртага, 6-октябр куни, Москвада бўлиб ўтадиган олий даражадаги учрашувда икки мамлакат етакчилари Ўзбекистон—Россия муносабатларини янада мустаҳкамлаш ва кўп қиррали ҳамкорликни, энг аввало, сиёсий, савдо-иқтисодий, инвестициявий ва маданий-гуманитар соҳаларда ривожлантириш масалаларини муҳокама қилади.
![](/static/2023/05/Fozilbek/photo_2023-10-05_13-58-49.jpg)
Эслатиб ўтамиз, Шавкат Мирзиёев Россия президенти Владимир Путиннинг таклифига биноан 2022 йил 7-октябрь куни Санкт-Петербург шаҳрида ўтказиладиган Мустақил Давлатлар Ҳамдўстлиги давлат раҳбарларининг норасмий саммити тадбирларида иштирок этганди.