АҚШ президенти Жо Байден спикер Кевин Маккарти ва Вакиллар палатасидаги кўпчилик республикачиларни Украинага ёрдам беришни қўллаб-қувватлашга чақирди. Бу ҳақда Оқ уй раҳбари Х (Twitter) ижтимоий тармоғида ёзди.
“Спикер Маккарти ва аксарият республикачилар ўз ваъдаларида туришлари ва Украинага ўзини ҳимоя қилиш учун зарур ёрдам кўрсатишлари керак”, — деди Байден.
АҚШ президенти, шунингдек, “америкаликлар масъулиятли давлат” эканини таъкидлаб, конгрессменларни “буни тасдиқлашга” чақирди.
Кеча Украина халқ депутати Ярослав Железняк АҚШ Киевга келгусида молиялаштириш учун шарт қўйганини маълум қилганди. Железнякнинг сўзларига кўра, АҚШ молиялаштиришни давом эттириши учун Украинада 45 кун ичида бирорта ҳам йирик коррупция можароси бўлмаслиги керак. Депутат Зеленский ва Байден ўртасида Оқ уйда бўлиб ўтган музокаралар чоғида АҚШ расмийлари коррупция мавзусига алоҳида урғу берганини айтиб ўтди.