Украина Коррупциянинг олдини олиш миллий агентлиги Хитойнинг учта йирик нефть ва газ компаниясини “халқаро уруш ҳомийлари” рўйхатига киритди. Бу ҳақда ташкилот матбуот хизмати ўзининг Telegram каналида маълум қилди.
Гап нефтни қазиб олиш ва қайта ишлашга ихтисослашган CNOOC Group ва Sinopec Group компаниялари, шунингдек, Хитойнинг энг йирик миллий нефть ва газ корпорацияси бўлган China National Petroleum Corporation ҳақида бормоқда.
Украина Коррупциянинг олдини олиш миллий агентлигининг аниқлик киритишича, ушбу компанияларнинг барчаси “Россия билан қўшма лойиҳаларни амалга оширишда давом этаётгани” учун рўйхатга киритилган.
Аввалроқ агентлик ушбу рўйхатга олмос бозорининг энг йирик ўйинчиси бўлган Ҳиндистоннинг Shree Ramkrishna Exports компаниясини киритган эди.
Шунингдек, Украинанинг мазкур рўйхатида Aliexpress онлайн-тижорат платформасига эгалик қилувчи Хитойнинг Alibaba Group Holding Limited компаниялар гуруҳи, Австриянинг Raiffeisen Bank гуруҳи, дунёдаги энг йирик порт операторларидан бири DP World (БАА), Procter&Gamble, Leroy Merlin, Auchan ва бошқа компаниялар ҳам бор.
Изоҳ (0)