Ўзбекистондаги маданий мерос объектлардан 156 таси қабристонларга айлантирилгани аниқланди. Бу ҳақда Маданий мерос агентлиги ва Бош прокуратура раҳбарияти ҳамда мутасаддилари иштирокида ўтказилган матбуот анжуманида маълум қилинди.
Бош прокуратура билан биргаликда йил давомида Тошкент шаҳри, Жиззах, Хоразм, Навоий, Қашқадарё, Тошкент, Бухоро вилоятларидаги археология мероси объектларининг муҳофаза ва сақланиш ҳолати ўрганилган. Жумладан, Бухоро вилоятида жойлашган 287 та археология мероси объектидан 272 таси ўрганиб чиқилган. Бу жами объектларнинг 95 фоизини ташкил этади. Ўрганилган объектлардан 156 таси қабристонларга айлантирилган, 5 тасига зарар етказилгани аниқланган.
Қайд этилишича, Ўзбекистонда ҳозирги кунга қадар 8 минг 209 та моддий маданий мероснинг кўчмас мулк объектлари аниқланган бўлиб, шундан 4 минг 748 та археология мероси объекти ҳисобланади.
2023 йилда маданий мерос объектлари ҳамда унинг туташ ҳудудларда 160 та ноқонуний ҳолатлар аниқланган ҳамда ҳуқуқни муҳофаза қилувчи органларга мурожаат қилинган.
Изоҳ (0)