Болливуд қироли Шоҳрух Хон йил охирига қадар яна бир янги фильмини тақдим этади
Болливуд қироли Шоҳрух Хон иштирокидаги “Аскар” фильми атрофидаги ажиотаж ва қизиқишлар ниҳоясига етмай туриб, кино ишқибозлари актёр иштирокидаги яна бир янги фильм — “Дунки”ни интизорлик билан кутмоқда, деб ёзади Bollywoodtime. Фото: Yandex
Режиссёр Ражкумар Ҳиранининг янги фильмида Хон Таапси Панну билан бирга рол ижро этади. Драма ва комедия жанрларини ўзида мужассамлаштирган ушбу картинада Канада ва АҚШга иммиграция қилиш учун “Эшак парвози” деб номланган маршрутдан фойдаланадиган ҳиндистонликлар ҳақида сўз юритилади.
Фильм 2023 йилнинг 22 декабрида экран юзини кўради. Ушбу фильм Прабхаснинг “Салаар” фильми билан битта вақтда намойиш этилиши ҳисобига, унинг жаҳон прокатидаги намойиши 21 декабрга белгиланган.
Изоҳ (0)