Украина Хавфсизлик хизмати Курск вилоятининг Снагост қишлоғидаги электр подстанциясига дрон ҳужумини амалга оширди. Бу ҳақда Украина разведкасига таяниб, “Украинская правда” хабар берди.
26-сентябр куни эрталаб Курск вилояти губернатори Роман Старовойт Снагостадаги подстанцияга қилинган ҳужум туфайли еттита аҳоли пункти электр таъминотисиз қолганини айтди. Украиналик журналистларнинг разведкадаги суҳбатдошига кўра, мазкур ҳужум СБУ махсус операциялари янги босқичга кўтарилаётганини билдиради.
“Руслар тушуниши керак, агар улар Украина энергетика объектларига ҳужум қилишда давом этса, бунга жиддий жавоб олишади. Бизнинг ресурсларимиз буни амалга ошириш имконини беради”, — деди манба.
- 2022 йил октябр ойидан бери Россия Украинадаги муҳим инфратузилма объектларига бир қатор ракета ҳужумларини амалга ошириб, мамлакат энергетика тизимини қиш мавсуми олдидан ўчириб қўйишга уринди.
- Украина расмийларига кўра, мамлакатдаги электр станцияларининг учдан биридан кўпроғи вайрон бўлган. Украина Қуролли кучлари 2023-2024 йиллар қишида Россия армияси яна Украина энергетика тизимига ҳужумга ўтишини истисно қилмади. 2023 йил сентябр ойида Россия Украина энергетика инфратузилмаси объектларига зарбалар берди.
Изоҳ (0)