21 сентябрь куни эрта тонгда рус қўшинлари Украинаинг Черкасси, ​​Харьков, Ровен ва Киев вилоятлари, шунингдек, Киев шаҳрига ракета зарбаларини берди.

Украина Ички ишлар вазирлиги раҳбари Игор Клименконинг маълум қилишича, Черкассида ракета ҳужуми оқибатида меҳмонхона биноси вайрон бўлди, бозордаги савдо расталари ёниб кетди. 7 киши жабрланди, бир киши вайроналар остидан қутқарилди.

1. Харьковнинг ўққа тутилиши оқибатида фуқаролик инфратузилмаси зарар кўрди. Харьков вилояти раҳбари Олег Синегубовнинг сўзларига кўра, Россия қўшинлари вилоят маъмурий марказига жами олтита зарба берган. Украина Ички ишлар вазирлиги вайрон бўлган омборхона ва икки нафар қурбон ҳақида маълум қилди.
2. Ровен вилояти раҳбари Виталий Ковал ҳудудга ракеталар “учиб келаётгани” ҳақида ёзиб, батафсил маълумотни кейинроқ айтишга ваъда берди.
3. Львов вилоятида ракета зарбаси туфайли Дрогобичдаги саноат корхоналаридан бирининг устахонаси ёниб кетди ва омборхона вайрон бўлди, деди вилоят раҳбари Максим Козитский. Дастлабки маълумотларга кўра, қурбонлар йўқ.
4. Киев вилоятида ҳаво ҳужумидан мудофаа тизимлари ёрдамида уриб туширилган ракета бўлаклари қулаб, корхоналар ҳудудида ёнғин содир бўлди, деб хабар берди ИИВ. Хусусий уй-жой секторида ҳам вайрон бўлган, икки киши жароҳатланган.

Киев шаҳрида ракета бўлакларининг қулашидан Дарницкий, Соломенский, Шевченковский туманларида объектлар шикастланди. Святошинский туманида снарядлар туфайли электр таъминотида узилишлар юзага келди, улар зудлик билан бартараф этилди. Етти киши, жумладан, 9 ёшли қиз яраланди, деди шаҳар мэри Виталий Кличко.