Сурхондарёда пул эвазига хорижлик фуқароларга Ўзбекистонга кириш визаси тайёрлаб бермоқчи бўлган икки киши ушланди. Бу ҳақда Бош прокуратура ҳузуридаги департамент хабар берди.
Маълум қилинишича, Б.К. ва А.Н. хорижий давлат фуқароси А.С.нинг ишончига кириб, унинг таниши А.Ҳ. ва оила аъзоларига кириш визасини танишлари ёрдамида 12 минг доллар эвазига расмийлаштириб беришни ваъда қилган.
Улар олдиндан 6 минг долларни олган вақтларида департаментнинг Сурхондарё вилоят бошқармаси томонидан ДХХ ва ИИБ ходимлари билан ҳамкорликда ўтказилган тезкор тадбирда ашёвий далиллар билан ушланган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)