Фарғона вилоятининг Ёзёвон туманида тўй кортежи уюштириб, қоидабузарлик содир қилган бир гуруҳ йигитлар жавобгарликка тортилди. Бу ҳақда вилояти ИИБ матбуот хизмати хабар берди.
Қайд этилишича, улар тўй кортежи уюштириб, бошқа транспорт воситаларининг эркин ҳаракатланишига ҳалал берган ва жамоат жойларида юриш-туриш қоидаларини бузган. Ҳолат акс этган видео ижтимоий тармоқларда тарқалган.
Шу кунинг ўзида ҳуқуқбузарлар шахсига аниқлик киритилиб, автомобиллар вақтинча жарима майдонига қўйилган.
Тўпланган ҳужжатлар сайёр суд тартибида кўриб чиқилган. Суд жами 16 нафар йигитнинг ҳар бирига 15 суткадан маъмурий қамоқ жазоси тайинлаган. Улар қилмишидан пушаймонлигини билдирган.
Самарқанд вилояти ИИБ матбуот хизматининг маълум қилишича, вилоятнинг Каттақўрғон шаҳрида ҳам шундай ҳуқуқбузарлик содир этилган ва ҳайдовчиларга нисбатан тегишли чоралар кўрилган.
Изоҳ (0)