Японияда 100 ёшдан ошган инсонлар сони илк бор 92 минг нафардан ошди, дея хабар бермоқда Соғлиқни сақлаш, меҳнат ва фаровонлик вазирлиги.
Ҳозирда Қуёш чиқар ўлкада 100 ёшдан ошган 92 139 нафар фуқаро истиқомат қилади. 50 йилдан бери юз ёшдан ошаётган инсонлар сони ортиб бормоқда. Бу йил мамлакатда 100 ёшдан ошганлар сони 1,5 минг нафарга кўпайди. Юз ёшдан ошганларнинг 89 фоизини аёллар ташкил қилади.
Вазирлик маълумотларига кўра, 2023 йилда 47 107 киши ўзининг 100 ёшини нишонлайди. Ҳукумат уларга табрик мактублари ва эсдалик совғаларини юборади.
Японияда 1963 йилда қарияларни ижтимоий таъминлаш тўғрисидаги қонун қабул қилингандан сўнг юз ёшдан ошаётганлар сони ортиб бормоқда. 1963 йилда мамлакатда 100 ёшдан ошган 153 нафар инсон бор эди. 1981 йилда уларнинг сони мингдан ошди, 1998 йилда — 10 минг, 2012 йилда эса 50 минг нафарга етганди.
Изоҳ (0)