Rossiya bir yarim yil davomida Ukraina bilan urushga qariyb 167,3 milliard dollar sarfladi. Tegishli hisob-kitoblar Forbes nashri tomonidan e’lon qilindi.
Qayd etilishicha, Rossiya Ukraina bilan urushga har kuni taxminan 300 million dollar sarflaydi. Rossiya budjeti esa joriy yilning yanvar-iyun oylarida butun 2023-yilga mo‘ljallanganidan ko‘proq sarf qildi. Shunga qaramay, Rossiya o‘zining harbiy byudjetini ikki baravar oshirmoqda va rus askarlarini ta’minlash tobora kamaymoqda.
Urushning 18 oyi davomida (2022-yil 24-fevraldan 2023-yil 24-avgustgacha) to‘g‘ridan to‘g‘ri harbiy xarajatlar va yo‘qotilgan rus texnikasining qiymati taxminan 167,3 milliard dollarni tashkil etadi. Ushbu hisob-kitobga Rossiyaning noharbiy mudofaa xarajatlari yoki iqtisodiy yo‘qotishlari kirmaydi.
Xarajatlarning eng yiriklari qatoriga:
- harbiy amaliyotlarni ta‘minlash (51,3 milliard dollar);
- harbiylarning maoshi (35,1 milliard dollar),
- halok bo‘lganlarning oilalariga (25,6 milliard dollar) va yaradorlarga (21 milliard dollar) tovon to‘lash;
- vayron qilingan texnikalar narxi (34 milliard dollar) kiradi.
Ukrainaga uchirilgan raketalarning umumiy qiymati allaqachon 21,1 milliard dollardan oshgan.
Izoh (0)