Россия президенти Владимир Путин Украина кассетали бомбалардан “кенг кўламда” фойдаланаётганини айтди. Унинг фикрича, АҚШ расмийлари кассетали бомбаларни “украиналиклар қўли билан” ишлатмоқда.
Путин Беларусь президенти Александр Лукашенко билан музокаралардан сўнг Украина жанг майдонида кассетали ўқ-дорилардан фойдаланяптими, деган саволга жавоб берар экан, “Улардан энг кенг кўламда фойдаланилмоқда”, — деди.
Владимир Путиннинг сўзларига кўра, “Америка томони ўзини истисно деб ҳисоблайди”. “Ҳатто АҚШнинг ўзи жиноят деб ҳисоблайдиган ишларни ҳам амалга оширишдан тап тортмайди, чунки АҚШ бу ҳолатда украиналиклар қўли билан кассетали бомбалардан фойдаланмоқда”, — деди у.
Кассетали бомбаларнинг асосий хусусияти улар портлаганда, ўнлаб кичикроқ бомбаларни чиқаради. Портламай қолган кассетали бомбалар кўчирилаётган пайтда кўпинча портлаб кетади. Халқаро ташкилотларга кўра, улардан фойдаланиш тинч аҳоли орасида катта талафотларга олиб келади. Кассетали бомбалар 2010 йилги Осло конвенция си билан тақиқланган. Ушбу конвенция Россия Федерацияси, АҚШ ва Хитой томонидан имзоланмаган.
Изоҳ (0)