Россия президенти Владимир Путин Украина Россия билан музокара олиб боришни тақиқлаётганини ва қарши ҳужум сабабли урушни тўхтата олмаслигини айтди. Бу ҳақда “ТАСС” хабар берди.
Путиннинг сўзларига кўра, мазкур тақиқни бекор қилиш “мулоқот сари биринчи қадам” бўлиши мумкин.
“АҚШ Украина музокараларга тайёр деб ҳисобласа, унда Украина президентининг музокараларни тақиқловчи фармонини бекор қилсин. Президент ўзига ва бошқаларга музокара олиб боришни тақиқлаш бўйича қарор чиқарди. АҚШ давлат котиби Энтони Блинкен Украина музокарага тайёр эканини айтмоқда. Майли, аввал бу фармонни бекор қилишсин. Бу биринчи қадамдир”, — деди Путин.
Шунингдек, у Россия урушни тўхтата олмаслигини, чунки Украина қарши ҳужумни амалга ошираётганини айтди.
“Биз билан мулоқотда бўлган, воситачи бўлишни хоҳлайдиган одамлар урушни тўхтатишга тайёрмисиз, деб юзланади. Хўш, агар қарама-қарши томон қарши кураш олиб бораётган бўлса, қандай қилиб урушни тўхтатишимиз мумкин”, — дея шикоят қилди Путин.
2022 йил октябрь ойида Украина президенти Путин билан музокара олиб борилмайдиган фармонни имзолаган, аммо Россия билан музокаралар олиб бориш мумкин.
Изоҳ (0)