“Ўзбекистон – 2030 стратегиясини 2023 йилда сифатли ва ўз вақтида амалга ошириш чора-тадбирлари тўғрисида”ги президент қарори қабул қилинди.
Унга кўра, 2024 йил 1 январдан бошлаб гепатит C билан касалланганларни ҳамда гемотопоэтик суяк кўмиги ўзак ҳужайралари трансплантацияси муолажасига муҳтож онкологик касалликларга чалинган болаларни тўлиқ давлат бюджети маблағлари ҳисобидан даволаш йўлга қўйилади
Шунингдек, онкогематологик касалликларга чалинган болалар учун Болалар гематологияси, онкологияси ва клиник иммунологияси маркази ҳамда Болалар миллий тиббиёт марказида гемотопоэтик суяк кўмиги ўзак ҳужайралари трансплантацияси амалиёти жорий этилади.
Маълумот учун апрель бошларида Ўзбекистонда 1 миллион аҳоли вирусли гепатитнинг B ва C турларига қарши скринингдан ўтказилиши маълум қилинганди. Мирср апрель ойи охирларидан буён гепатит C га қарши дориларни Ўзбекистонга етказиб бермоқда. Бугунги кунгача ушбу касалликка қарши дори воситалари 14 та партияда етказиб берилди.
Изоҳ (0)